39:499  499  PRAELECTIONES  500  60.  Ut  scripsit  Ieremias  omne  malum,  quod  venturum  erat  contra  Babylonem  in  libro  uno,  omnes  sermones  istos  scriptos  contra  Babylonem.  61.  Et  dixit  Ieremias  ipsi  Seraiae,  Quum  ingressus  fueris  Babylonem,  et  conspexeris  eam,  tunc  leges  omnes  sermones  istos:  62.  Et  dices,  Iehova,  tu  loquutus  es  contra  locum  hunc,  ad  excidendum  ipsum,  ut  non  sit  in  eo  habitator  ab  homine  ad  bestiam,  quia  vastationes  perpetuae  erit  (hoc  est,  erit  in  vastitates  perpetuas,  vel  redigetur).  63.  Et  erit,  quum  finem  feceris  legendo  librum  hunc,  alligabis  ad  ipsum  lapidem,  et  proiicies  in  medium  Euphratem:  64.  Et  dices,  Sic  mergetur  Babylon,  et  non  exsurget  a  facie  mali  quod  ego  immitto  contra  eam,  et  volabunt  (aut  fatigabunt).  Hucusque  sermones  Ieremiae��  Hic  ab  una  parte  videmus  quanta  magnitudine  animi  excelluerit  propheta,  qui  ausus  fuit  praecipere  legato  regis.  Quamvis  enim  Seraiah  esset  homo  placidus,  ut  se  praebuit  morigerum,  tamen  periclitatus  est  Ieremias:  quia  potuit  ille  simul  esse  timidus,  quamvis  non  esset  vel  superbus,  vel  pervicax,  atque  ita  ut  solent  homines  metu  perculsi  potuit  deferre  ad  regem  quod  audierat  ex  propheta.  Ieremias  ergo  non  sine  discrimine  exsequutus  est  quod  hic  legimus.  Sed  hinc  colligitur  eius  constantia.  Videmus  ergo  instructum  fuisse  spiritu  fortitudinis  invictae,  ut  libere  et  intrepide  obiret  munus  suum.  Ab  altera  parte  non  tantum  mansuetudo  Seraiae  nobis  consideranda  est,  sed  eius  pietas  una  cum  modestia.  Nisi  enim  eximium  fuisset  studium  pietatis  in  illo  viro,  poterat  habere  iustas  causas  recusandi.  Quod  ergo  ita  fuit  docilis,  et  non  exhorruit  periculum,  hinc  apparet  serium  viguisse  timorem  Dei  in  eius  animo.  Et  haec  diligenter  notanda  sunt.  Nam  ex  proceribus  aulicis  quotusquisque  reperietur  hodie  qui  oculos  claudat  ad  omnia  pericula,  et  secure  contemnat  omnes  adversos  eventus,  ubi  Deo  parendum  est  et  eius  servis?  Deinde  videmus  quam  pusillo  sint  animo  qui  profitentur  se  esse  Dei  legatos,  et  arrogant  sibi  titulum  pastorum.  Sicut  ergo  non  audent  ingenue  exsequi  munus  suum  doctores,  ita  ab  altera  parte  omnes  aulici  proceres  addicti  sunt  sibi  et  suae  prudentiae,  et  nolunt  suscipere  odiosas  provincias.  Hac  igitur  de  causa  diligenter  notandus  est  hic  locus  cum  suis  circumstantiis.  Scripsit  ergo  Ieremias  omne  malum  quod  erat  venturum  contra  Babylonem  in  uno  libro:  nempe,  inquit,  omnes  istos  sermones  (refertur  hoc  ad  vaticinia  quae  vidimus)  et  dixit  Ieremias  ipsi  Seraiae.  Hic  emergit  prophetae  libertas  quod  Seraiae  praecipere  non  dubitat,  quum  venerit  Babylonem,  et  inspexerit  eam,  ut  legat  hunc  librum.  Conspectus  hic  non  frustra  ponitur,  quia  splendor  ille  urbis  potuit  obstupefacere  Seraiam:  ergo  propheta  hic