37:499  499  PRAELECTIONES  500  eos,  inquit  Iehovah.  Postea,  clarius  explicat  usum  huius  doctrinae.  4.  Audite  sermonem  Iehovae  domus  Iacob,  et  omnes  cognationes  (vel  familiae)  domus  Israel.  5.  Sic  dicit  Iehovah,  Quid  invenerunt  patres  vestri  in  me  iniquitatis,  quia  alienati  sunt  a  me,  et  ambulaverunt  (vel  profecti  sunt)  post  vanitatem,  et  facti  sunt  evanidi?  (vel  evanuerunt).  Hic  explicat  Deus  quorsum  protulerit  in  medium  quod  vidimus,  nempe  se  Israelem  sibi  dicasse  in  populum  peculiarem,  et  velut  in  primitias.  Saepe  Deus  beneficia  sua  erga  nos  praedicat,  ut  hortetur  nos  ad  bene  sperandum,  ut  certo  simus  persuasi,  quidquid  acciderit,  semper  nos  fore  salvos,  quoniam  sumus  sub  eius  fide,  ex  quo  nos  elegit.  Sed  hoc  loco  et  aliis  compluribus  recenset  Deus  quantum  sibi  debeant  Israelitae,  ut  inde  melius  pateat  crimen  ingratitudinis.  Dicit  igitur.  Audite  sermonem  Iehovae.  Hac  praefatione  sibi  attentionem  conciliat.  Nam  significat  se  verba  non  facturum  de  re  aliqua  vulgari.  Audite  ergo  domus  Iacob,  audite  omnes  familiae  domus  Israel,  inquit.  Quasi  diceret  Ieremias,  Ego  hic  secure  prodeo  in  medium  Dei  nomine,  quia  non  vereor  ne  ulla  possit  afferri  a  vobis  defensio,  quae  refellat  Dei  obiurgationem:  et  secure  exspecto  quid  sitis  dicturi:  quia  scio  vos  fore  mutos.  Ego  igitur  libenter  instar  buccinae  clamabo  sonora  voce,  me  venire  ad  vos  damnandos  :  si  quid  est  quod  respondeatis,  ego  liberum  vobis  facio:  sed  coget  ipsa  veritas  vos  obmutescere,  quia  crimen  vestrum  nimis  est  exsecrabile,  et  nimis  etiam  convictum.  Huc  igitur  spectat  exhortatio,  quum  iubet  attente  audire.  Iam  sequitur  ipsa  accusatio,  Quid  invenerunt  criminis  in  me  patres  vestri,  ut  me  relicto  ambulaverint  post  vanitatem,  et  evanidi  facti  sint?  Duo  crimina  hic  obiicit  Ieremias  populo,  nempe  quod  a  Deo  vero  desciverint,  quem  experti  erant  liberatorem  :  deinde  evanuerint  in  suis  figmentis,  hoc  est,  quod  fuerint  apostatae  nulla  de  causa.  Crimen  enim  exaggeratur,  quod  illis  oblata  non  fuerit  occasio,  cur  Deum  relinquerent,  et  se  ab  ipso  alienarent.  Quum  ergo  Deus  ipsos  humaniter  tractaverit,  ipsi  autem  iugum  excussissent,  et  non  esset  quem  Deo  conferrent,  non  poterant  dicere,  fuimus  decepti.  Et  quare?  Nam  sequuti,  inquit,  estis  vanitatem:  et  sola  vanitas  in  causa  fuit,  ut  a  me  deficeretis.  Ego  longius  prosequerer,  sed  mihi  est  aliud  negotium  quo  vocatus  sum  etiam  ante  lectionem*  PRECATIO.  Da,  omnipotens  Deus,  quando  hodie  non  cessas  et  mane  et  vesperi  nos  ad  te  vocare,  et  assidue  nos  hortaris  ad  resipiscentiam  j  te  etiam  exorabilem  nobis