35:499  499  SERMON  CLVIII  500  il  en  est  ennemi  mortel.  Or  Dieu  le  condamne  quand  il  l'abbat,  et  quand  il  le  despouille  de  cest  orgueil  dont  il  estoit  enfle  auparavant:  et  qu'il  est  la  comme  un  povre  esclave.  Ce  fardeau-la  luy  est  bien  dur,  ce  luy  est  une  condamnation:  voire,  mais  c'est  pour  son  salut.  Il  falloit  que  cest  orgueil  la  fust  matte,  qu'il  fust  abbatu  par  violence.  Yoila  donc  une  condamnation  salutaire:  mais  elle  est  d'un  homme  qui  estoit  du  tout  eslongne  de  Dieu,  et  qui  sembloit  estre  du  tout  desespere.  Or  S.  Paul  a-il  este  ainsi  condamne  une  fois?  Apres  que  Dieu  Ta  renge  a  son  troupeau,  qu'il  a  este  une  brebis,  voire  et  un  pasteur  quant  et  quant,  qu'il  n'a  point  seulement  este  des  agneaux  de  Iesus  Christ,  mais  il  a  este  pasteur  du  troupeau:  si  faut-il  qu'il  soit  encores  condamne.  Et  comment?  Dieu  le  soufflette  :  car  il  dit  (2.  Cor.  12,  7)  qu'il  permet  a  Satan  de  luy  donner  des  soufflets  comme  par  opprobre,  afin  que  pour  la  hautesse  des  revelations  qu'il  avoit  eue"8  il  ne  s'eslevast  point:  et  qu'il  luy  falloit  ceste  contrepoison  pour  le  garder  qu'il  ne  s'enorgueillist.  Nous  voyons  donc  en  la  personne  de  S.  Paul,  qu'il  y  a  deux  facons  de  condamner  qui  sont  a  nostre  salut.  Nous  voyons  le  semblable  en  ce  lieu  present,  ou  les  amis  de  Iob  ont  este  condamnez  pour  leur  salut.  Car  Dieu  leur  ouvre  la  porte,  et  leur  monstre  qu'ils  se  doivent  confier  d'obtenir  pardon,  quand  ils  viendront  a  luy  avec  vraye  repentence:  mais  tant  y  a  qu'encores  il  les  recule,  tellement  qu'il  n'approche  point  privement  d'eux  comme  de  Iob:  et  ne  leur  donne  point  accez  et  entree  a  luy  sinon  par  le  moyen  qui  leur  est  ici  exprime,  assavoir  que  Iob  intercedast  pour  eux.  Nous  voyons  donc  ici  deux  exemples  divers  de  la  misericorde  de  Dieu:  et  combien  qu'il  traitte  ainsi  les  hommes  en  diverses  facons,  si  devons  nous  tousiours  cognoistre,  qu'il  procure  le  salut  de  ceux  qu'il  n'a  point  reprouvez  du  tout.  Or  par  la  nous  sommes  instruits  de  prendre  patiemment  toutes  les  corrections  que  Dieu  nous  envoye:  et  encores  qu'il  semble  qu'il  ne  nous  traitte  point  comme  ses  enfans:  mais  que  nous  soyons  comme  estranges  de  luy,  que  nous  ne  laissions  point  d'esperer  qu'en  la  fin  il  aura  pitie  de  nous,  et  qu'il  convertira  en  bien  et  a  salut  la  condamnation  que  nous  aurons  soustenue  pour  un