32:499  499  SECOND  SERMON  500  qu'ils  n'ayent  point  este  destournez  de  tendre  a  ce  but-la  comme  a  ce  qui  est  le  principal  de  leur  vie.  Il  est  vray  encores  que  David  n'a  point  eu  une  telle  perfection  qu'il  ne  luy  ait  fallu  batailler  contre  les  aiguillons  de  sa  chair,  et  qu'il  n'en  ait  este  retarde.  Comme  S.  Paul  aussi  confesse  qu'il  va  a  Dieu  comme  en  clochant,  qu'il  ne  fait  pas  le  bien  qu'il  veut  et  desire,  mais  qu'il  est  encore  enveloppe  de  ses  vices  naturels,  pour  faire  le  mal  lequel  ii  condamne.  David  n'a  pas  este  sans  telles  tentations:  mais  quoy  qu'il  en  fust,  si  est-ce  quele  principal  ou  il  tendoit,  estoit  de  servir  a  Dieu.  Or  comme  i'ay  desia  dit,  nous  sommes  bien  loing  de  cest  exemple-la.  Car  ceux  qui  auiourd'huy  sont  les  mieux  affectionnez  encores  pourront-ils  estre  enveloppez  en  beaucoup  de  vices,  et  de  vaines  solicitudes  de  ce  monde,  en  beaucoup  de  cupiditez  de  la  chair,  que  s'ils  remuent  un  pied  par  chacun  iour  pour  marcher  un  pas  en  avant,  c'est  beaucoup,  et  encores  il  adviendra  quelques  fois  qu'ils  reculeront  au  lieu  d'avancer.  Et  neantmoins,  David  apres  avoir  proteste  qu'il  a  cerche  Dieu  de  tout  son  coeur,  demande  que  Dieu  ne  permette  point,  qu'il  decline  de  ses  commandemens.  En  cela  voyons  nous  combien  nous  avons  mestier  d'invoquer  l)ieu,  a  ce  qu'il  nous  tienne  la  main  forte.  Voire  combien  qu'il  ait  desia  besongne  en  nous  puissamment,  que  nous  cognoissions  qu'il  nous  ait  fait  de  grandes  graces,  ce  n'est  pas  tout.  Mais  il  y  a  tant  de  vices  et  d'imperfections  en  nostre  nature,  nous  sommes  tant  foibles  et  tant  debiles,  que  nous  avons  bon  besoin  tousiours  de  le  prier,  voire  de  plus  en  plus,  qu'il  ne  permette  point  que  nous  declinions  de  ses  commandemens.  Car  si  David,  ayant  proteste  qu'il  avoit  cerche  Dieu  de  tout  son  coeur,  neantmoins  adiouste,  Ne  permets  point,  Seigneur,  que  i'erre:  que  devons-nous  faire?  Et  ainsi  apprenons  de  cheminer  en  solicitude,  car  puis  que  c'est  Dieu  qui  nous  donne  le  bon  vouloir,  et  qui  nous  donne  aussi  la  vertu  de  le  mettre  en  execution,  et  le  tout  selon  sa  grace:  il  faut  cheminer  en  crainte  (dit  S.  Paul)  et  faire  bon  guet,  a  ce  que  Satan  ne  nous  prene  point  au  despourveu,  et  qu'il  n'ait  nulle  entree  en  nous.  Et  voyla  qui  est  cause  qu'on  en  voit  aucuns  qui  auront  monstre  bon  signe  pour  quelque  temps,  qu'il  sembloit  que  ce  fussent  des  demi-Anges,  qui  toutesfois  se  desbordent:  et  les  voit-on  desbauchez  iusqu'au  bout,  que  Dieu  les  laisse  la  comme  desesperez.  Et  d'ou  procede  cela?  c'est  de  ceste  nonchalance,  qu'il  leur  semble  qu'ils  sont  desia  assez  parfaits.  Or  au  contraire,  voyla  S.  Paul  qui  dit,  te  n'ay  point  encores  atteint  iusqu'au  but,  mais  ie  m'efforce.  Quand  il  dit,  Ie  m'efforce,  il  monstre  qu'il  a  ceste  humilite  en  soy,  de  laquelle  il  parle  au  lieu  que  i'ay  desia  allegue:  et  ceste  humilite-la  emporte  que  nous  invoquions  Dieu  a  l'exemple  de