8:498  fretus  insignem  hanc  prophetiam  tam  nequiter  corruperit,  non  aliunde  esse  factum,  nisi  quia  vesanam  et  furialem  ex  fidei  interitu  voluptatem  capiens,  omnis  verecundiae  oblitus,  summum  dedecus  in  se  suscipere  maluerat,  quam  non  omnia  pervertere.  Omitto  quod  quum  Nicolai  Lyrani  suffragium  obtenderet,  producto  libro  mendacii  convictus  non  erubuit.  Fuit  enim  hoc  illi  solenne:  scriptores,  quorum  nunquam  libros  inspexerat,  audacissime  citare,  [pag!  61]  Cuius  rei  iocosum  et  risu  dignum  specimen  in  Iustino  Martyre  exhibitum  fuit.  Nam  quia  magnifice  iactabat,  aureo  eius  saeculo  incognitas  fuisse  de  trinitate  et  personis  fabulas,  codicem  statim  afferri  iussi,  et  digito  monstravi  certos  locos,  in  quibus  sanctus  vir  non  minus  aperte  fidem  nostram  asserebat,  quam  si  rogatu  nostro  scripsisset.  Atqui  !)  graecum  sermonem  nihilo  magis  legere  quam  puer  alphabetarius  potuit.  Tum  se  turpiter  deprehensum  videns,  stomachose  latinam  translationem  sibi  dari  petiit  Quid  hoc  rei  est?  dixi.  Quum  nulla  exstet  latina  translatio,  graece  legere  nescias,  tamen  in  Iustini  lectione  familiariter  te  versatum  esse  fingis.  Unde  igitur  tibi  illa  testimonia,  quibus  citandis  adeo  liberaliter  tibi  indulges?  2)  Ille,  ut  solebat,  ferrea  fronte  alio  transsiliens,  nullum  vel  minimae  verecundiae  signum  dedit.  Verum  ut  duritiem  illam  omittam:  quum  palam  fieret,  praecipuum  salutis  nostrae  caput,  de  expiatis  Christi  morte  hominum  peccatis,  diabolica  eius  fraude  ex  Iesaiae  libro  esse  deletum,  nullo  poenitentiae  sensu  tangi,  hoc  prodigiosae  cuiusdam  malitiae  signum  est.  Nec  vero  dubito  quin,  sicuti  mihi,  ita  bonis  omnibus  interior  et  deliberata  diuque  concocta  impietas  in  eo  se  proferat,  dum  ex  rerum  omnium  confusione  quasi  gratuita  voluptas  capitur.  Caeterum  ne  male  feriati  nebulones3)  vecordi  hominis  pervicacia  quasi  martyrio  glorientur:  in  eius  morte  apparuit  beluina  stupiditas,  unde  iudicium  facere  liceret,  nihil  unquam  serio  in  religione  ipsum  egisse.  Ex  quo  mors  ei  denunciata  est,  nunc  attonito  similis  haerere,  nunc  alta  suspiria  edere,  nunc  instar  lymphatici  eiulare.4)  Quod  [pag.  62]  postremum  tandem  sic  invaluit,  ut  tantum  hispanico  more  reboaret:5)  Misericordia,  Misericordia.  Ubi  ad  locum  supplicii  ventum  est,  hortatu  optimi  fratris  symmystaeque  nostri  Farelli  tandem  aegre  extorta  ei  vox  fuit,  ut  populus  communes  secum  preces  conciperet.  Porro  qua  id  conscientia  sibi  facere  1)  Or  cest  habile  homme  de  Servet  qui  se  glorifloit  par  tout  d'avoir  le  don  des  langues  etc  2)  Add.  Comme  si  tu  avois  l'autheur  en  ta  manche.  3)  les  disciples  de  Servet  ou  des  brouillons  semblables  a  luy.  4)  Add.  Brief,  il  n'y  avoit  non  plus  de  contenance  qu'en  un  demoniaque.  5)  Add.  en  frappant  sa  poitrine.  32