7:498  DE  BAPTISMO.  In  I.  Canonem.  Magnum  piaculum  scilicet:  ubi  eadem  est  doctrina,  eadem  gratia  offertur,  idem  servatur  ritus,  similitudinem  illic  statuere.  Si  quid  in  tribus  istis  diversum  habuerit  Christi  baptismus  ab  Ioannis,  vicisse  eos  fateor.  Sin  vero  utrique  communia  sunt  omnia:  frustra  bilem  suam  eructant:  quia  nemo  erit  compositae  mentis,  qui  terreatur.  Quod  si  putassent  certandum  esse  ratione,  longe  fuissent  moderatiores.  In  II.  Cur  de  priore  parte  moveant  quaestionem,  nescio:  nisi  forte  hac  una  in  re  sapere  velint,  frivolas  Sorbonistarum  argutias  cohibendo.  ')  At  quod  adversus  omnes  fulminant,  [pag.  276]  secum  in  loci  unius  expositione  non  sentientes,  in  eo  nimis  sunt  iracundi.  Praesertim  quum  ex  veteribus  nonnullos  citare  liceat,  qui  metaphorice  verba  illa  accipiunt:  Nisi  quis  ex  aqua  et  spiritu  renatus  fuerit  (Ioann.  3,  5).  Sed  quemadmodum  initio  dixi,  exsecrationes  ex  locuplete  penu  non  mirum  est  si  liberaliter  depromant.  In  III.  Cur  non  hinc  potius  sumebant  exordium,  quum  hoc  iacto  fundamento  quidvis  superstruere  liceat?  Nam  si  verum  est  quidquid  docent,  quid  adhuc  pugnamus?  Atqui  scripta  nostra  luculente  testantur,  totam,  quae  apud  ipsos  obtinet,  de  baptismo  doctrinam,  partim  mutilam  esse,  partim  vitiosam.  Nunc  quum  refellere  argumenta  nostra  nequeant,  frustra  sepelire  se  putant  uno  anathematis  fulgetro.  2)  Quod  autem  Romam  omnium  ecclesiarum  matrem  ac  magistram  fastuose  praedicant:  cuius  est  impudentiae?  Graecasne  et  orientales  ecclesias  in  Christo  genuit,  a  quibus  ipsa  potius  fuit  genita?  Quale  illius  magisterium  pervenire  ad  alias  ecclesias  potuit,  quae  longe  doctiores  habebant  episcopos?  Ut  revolvant  omnium  saeculorum  exempla,  quem  omnino  ex  toto  catalogo,  parem  vel  Cypriano,  vel  Ambrosio,  vel  Augustino  proferent?  In  IV.  Quid  facere  intendat  minister,  nostra  parum  [pag.  277]  refert:  modo  actio  ipsa  genuinae  Christi  institutioni  respondeat,  tum  in  doctrina,  tum  in  ritu.  Nobis  ergo  sufficiat,  quod,  in  nomen  patris  et  filii  et  spiritus  sancti  baptizati  sumus:  qualiscun-  1)  Add.  qui  disputent  assavoir  si  Teaue  distillee  par  un  alambic  n'est  pas  si  bonne  au  baptesme  que  l'eaue  naturelle.  2)  avec  un  petit  esclair  de  leur  foudre  volante.