6:498  sed  intercedente  Paphnutio,  totum  illud  negotium  fuisse  dissolutum.  Nam  quum  caelebs  ipse  legem  [pag.  76]  de  caelibatu  negasset  ferendam  esse,  totam  synodum  libenter  illi  assensam  esse  tradit.  Crescente  vero  paulatim  superstitione,  lex,  quae  repudiata  tunc  fuerat,  demum  recepta  fuit.  Exstat  canon  unus  inter  eos,  qui  non  tam  propter  vetustatem,  quam  propter  autorum  incertitudinem,  apostolis  inscribuntur:  qui  clericis,  postquam  in  ordinem  cooptati  fuerint,  uxores  ducere  non  permittit,  nisi  solis  cantoribus  et  lectoribus.-  Sed  altero  canone  superiore  prohibentur  sacerdotes  ac  diaconi  uxores  religionis  praetextu  abiicere.  Et  Gangrensis  concilii  capite  quarto,  anathema  pronunciatur  adversus  eos,  qui  presbyterum  coniugatum  discreverint  ab  aliis:  ut  hac  occasione  se  ab  eius  oblatione  abstineant.  Unde  apparet,  illis  temporibus  aliquanto  plus  adhuc  fuisse  aequitatis,  quam  aetas  posterior  habuerit.  Neque  tamen  mihi  hic  propositum  est,  totam  hanc  rem  disputatione  complecti.  Tantum  obiter  indicare  libuit,  primam  et  puriorem  ecclesiam  non  adeo  nobis  adversam  hic  esse,  ut  hostes  nostri  fingunt.  Sed  ut  illis  id  quoque  demus,  cur  tamen  tam  atrociter  nos  accusant,  quasi  sacra  profanis  miscuerimus?  Quasi  vero  retorquere  adversus  eos  promptum  non  sit,  nobis  cum  veteri  ecclesia  longe  melius  quam  ipsis  convenire.  Sacerdotibus  coniugium,  quod  illis  negarunt  veteres,  liberum  facimus.  Quid  de  scortatione  mihi  respondebunt,  quae  inter  eos  passim  obtinuit?  Negabunt  se  approbare.  At  castigari  asperius  decuerat,  si  vetustis  canonibus  obtemperare  vellent.  Si  presbyter  uxorem  [pag.  77]  duxerit,  Neocaesariensis  synodus  poenam  statuit,  ut  ab  ordine  abdicetur.  Si  vero  adulterium  aut  scortationem  perpetraverit,  multo  severius  vindicat:  ut  scilicet  ab  ordine  depositus  etiam  excommunicetur.  Nunc  si  quis  uxorem  duxerit,  habetur  crimen  capitale;  si  centies  scortatus  sit,  exigua  pecuniae  summa  mulctatur.  Adde,  quod  si  hodie  viverent,  qui  illam  de  caelibatu  legem  tulerunt  primi,  praesentibus  experimentis  edocti,  eam  procul  dubio  primi  abrogarent.  Quanquam  niniis,  ut  dixi,  iniquum  foret,  nos  hominum  autoritate  damnari,  ubi  palam  Dei  voce  absolvimur.  De  confessione  brevior  et  magis  expedita  est  defensio.  Neque  enim  ostendent  adversarii,  ullam  fidelibus  necessitatem  confitendi  ante  Innocentium  tertium  fuisse  impositam.  Per  annos  ergo  mille  et  ducentos  ignota  fuit  orbi  christiano  haec  tyrannis,  pro  qua  tam  acriter  nobiscum  decertant.  At  est  Lateranensis  concilii  decretum.  Tale  nempe  qualia  permulta.  Norunt  historiarum  mediocriter  periti,  temporum  illorum  tum  inscitiam,  tum  ferocitatem.  Et  illud  usu  venire  solet:  ut  quo  indoctiores  sunt,  qui  praesunt,  eo  magis  sint  imperiosi.  Caeterum  testes  mihi  erunt  omnes  piae  animae,  quali  impii-  32