35:498  saurions  que  c'est  de  luy  obeir,  s'il  nous  traittoit  a  nostre  gre  et  a  nostre  aise.  Et  ainsi  il  faut  qu'il  nous  chastie  et  rudoye:  mais  en  cela  il  procure  nostre  salut,  quand  ii  nous  examine,  et  qu'il  nous  envoye  les  choses  qui  nous  sont  rudes  et  fascheuses:  car  si  alors  nous  ne  murmurons  point  contre  luy,  voila  nostre  obeissance  bien  approuvee.  Et  c'est  ce  que  nous  avons  ici  a  noter,  que  si  nous  iugeons  sobrement  des  afflictions  que  Dieu  nous  envoye,  et  pareillement  a  nos  prochains:  nous  aurons  ceste  droiture  de  laquelle  Dieu  rend  ici  tesmoignage  de  sa  propre  bouche.  Or  pour  la  fin  il  est  dit,  Que  Dieu  renvoye  Eliphas  et  ses  compagnons  a  Iob,  et  leur  commande  d'offrir  sacrifices,  et  dit  que  Iob  trouvera  grace,  afin  que  leurs  pechez  leurs  soient  pardonnez.  Ici  en  premier  lieu  nous  avons  a  noter  qu'encores  Dieu  redargue  Eliphas  et  ses  compagnons  en  telle  sorte:  toutes  fois  il  ne  les  a  pas  voulu  dechasser  du  tout:  et  combien  que  la  condamnation  leur  fust  denoncee,  toutes  fois  que  ce  n'a  point  este  pour  la  souffrir,  tellement  qu'ils  demeurassent  la  du  tout  accablez  sans  remission.  Il  y  a  donc  deux  especes  de  con*  damnations  que  Dieu  prononce  sur  les  hommes:  mais  il  y  a  la  premiere  espece  qui  se  peut  encores  diviser  en  deux.  En  general  Dieu  nous  condamne:  voire  afin  de  nous  absoudre  quand  il  nous  trouvera  humiliez:  ou  bien  pour  nous  abysmer  du  tout,  comme  il  en  use  envers  les  incredules.  Mais  encores  il  y  a  deux  sortes  de  condamnations  qui  nous  sont  salutaires.  La  premiere  c'est  des  fideles,  quand  nous  sommes  tous  les  iours  punis.  Car  encores  que  Dieu  nous  tiene  de  sa  maison,  encores  que  nous  soyons  reconciliez  avec  luy:  toutes  fois  nous  avons  besoin  d'estre  condamnez:  et  qu'il  nous  solicite  la  dedans  tousiours  de  plus  en  plus,  pour  avoir  honte  de  nous,  afin  de  souspirer  et  de  hayr  nos  vices,  de  cercher  le  remede,  afin  de  magnifier  tant  plus  la  misericorde  qu'il  nous  y  a  desployee  quand  nous  obtenons  pardon  de  luy.  Voila  donc  la  condamnation  que  Dieu  fait  sur  ses  esleus,  encores  qu'ils  soyent  reconciliez  a  luy,  et  qu'ils  soyent  de  son  troupeau.  Or  il  y  a  une  autre  condamnation  qui  est  salutaire  :  mais  c'est  de  ceux  qui  sont  comme  eslongnez  de  l'Eglise  de  Dieu,  et  qui  n'ont  point  d'accointance  avec  luy:  comme  nous  voyons  qu'il  a  condamne  S.  Paul  du  temps  qu'il  estoit  persecuteur.  Et  en  la  personne  de  S.  Paul  mesme  nous  pouvons  mieux  comprendre  ce  que  ie  vien  de  dire:  car  si  on  allegue  deux  personnes  la  chose  ne  sera  point  si  facile  a  cognoistre.  Voila  S.  Paul,  qui  est  si  meschant  qu'on  eust  dit  qu'il  estoit  du  tout  desespere:  si  est-ce  qu'il  estoit  des  esleus  de  Dieu.  Desia  il  estoit  marque  des  le  ventre  de  la  mere  pour  estre  Apostre:  mais  cependant  si  est-ce  qu'il  ne  semble  pas  qu'il  soit  de  l'Eglise  de  Dieu,  plustost