32:498  est  quasi  tout  desespere,  qu'on  est  venu  au  comble  de  tout  mal.  Car  on  verra  ces  merdailles  qui  ne  scavent  point  encores  moucher  leur  nez,  comme  on  dit,  qu'on  devroit  foetter  encores  d'yci  a.  dix  ans,  comme  des  ieunes  merdiers  qu'ils  sont,  que  quand  on  parlera  a,  eux,  ils  ne  tiendront  conte  de  tout  ce  qu'on  leur  dira:  mais  ils  voudront  faire  des  gros,  comme  on  voit  qu'ils  les  contrefont.  Et  quand  on  voit  un  orgueil  si  desborde  en  telles  gens,  que  scauroit-on  dire,  sinon  qu'ils  sont  possedez  de  Satan?  et  qu'ils  se  veulent  monstrer  qu'ils  sont,  ascavoir  du  tout  incorrigibles?  Ainsi  donc,  d'autant  plus  nous  faut-il  bien  noter  ce  passage,  quand  il  dit,  En  quoy  le  ieune  homme  nettoyera-il  sa  voye.  Ce  sera  a  garder  ta  Parole  Seigneur.  Or  ii  est  vray  que  beaucoup,  qui  auroyent  besoin  de  ceste  remonstrance  yci,  n'ont  garde  d'en  avoir  les  aureilles  roinpues:  car  ils  se  scavent  bien  esloigner  du  temple:  ils  ont  ce  qu'ils  demandent  d'avoir,  ils  sont  a  leurs  tavernes,  a  leurs  ieux,  et  a  leurs  brelans.  Mais  quoy?  Si  est-ce  que  ceste  doctrine  ne  laissera  point  de  leur  estre  en  condamnation,  quand  Dieu  crie  apres  eux,  comme  il  le  proteste  par  Salomon,  quand  il  introduit  sa  sagesse,  qui  dit,  i'ay  crie  par  les  rues,  i'ay  convie  et  grans  et  petis,  a  ce  que  tous  m'escoutassent,  et  personne  n'a  daigne  me  recevoir,  et  ie  n'ay  point  trouve  logis.  Quand  donc  Dieu  nous  declaire,  que  nostre  vie  sera  bien  reglee  en  gardant  sa  Parole,  tous  ceux  qui  fuiront  ceste  doctrine  et  admonition,  si  est-ce  qu'ils  en  auront  a  rendre  conte  au  dernier  iour,  d'autant  que  Dieu  les  a  appelez.  Et  aussi  que  non  seulement  ils  ont  eu  l'aureille  sourde,  mais  ils  ont  encores  adiouste  ce  mal-la,  qu'ils  ont  fuy  les  admonitions  qui  leur  estoyent  faites  par  la  Parole  de  Dieu  pour  les  reduire  au  chemin  de  salut,  du  quel  ils  estoyent  destournez.  Notamment  il  est  dit,  En  gardant  selon  ta  Parole.  Or  David  a  voulu  exprimer,  que  les  hommes  se  pourront  faire  accroire,  qu'ils  ont  assez  de  prudence  et  de  discretion:  mais  tout  cela  ne  leur  profitera  rien,  sinon  qu'ils  se  laissent  gouverner  a  Dieu,  suyvant  ce  qui  a  desia  este  dit.  Or  il  s'ensuit  quant  et  quant,  Ie  fay  cerche  en  tout  mon  coeur,  ne  me  fay  point  errer  de  tes  preceptes.  David  fait  yci  une  belle  confession  :  et  laquelle  n'est  pas  commune  a  tous,  Quil  a  cherche  Dieu  en  tout  son  coeur.  Car  encores  que  nous  ayons  quelque  desir  d'aller  a  Dieu,  toutesfois  il  est  si  foible  que  c'est  pitie,  veu  que  nous  sommes  distraits  par  tant  de  vanitez,  que  le  monde  regne  tant  en  nous,  et  ne  faut  rien  pour  ,,nous  retirer  de  quelque  bonne  devotion,  quand  encores  nous  l'eussions  sentie  bien  grande.  Il  y  en  a  donc  bien  peu  qui  puissent  dire  a  l'exemple  de  David,  qu'ils  ont  cherche  Dieu  en  tout  leur  coeur:  c'est  a  dire,  d'une  telle  integrite  32