8:497  497  MICHAELIS  SERVETI.  498  omnium  vetustissimus  fuit,  subscribunt  eius  elogiis.  Quare  penes  eum  praecipua  erit  culpa,  qui  mentiendo  posteros  fefellit.  Cuius  enim  est  illud:  Terram  fluere  lacte  et  melle?1)  Adieci  praeterea,  inconsiderate  ex  praesenti  terrae  statu  fieri  iudicium:  quia  memoria  tenendum  sit  horribile  iudicium  Dei,  quod  olim  minatus  fuerat  peculiariter  Iudaeis,  et  quod  in  genere  describitur  Psal.  107,  Deum  esse,  qui  foecundis  opimisque  regionibus,  quasi  sale  seminato,  ob  hominum  peccata  sterilitatem  inducit.  Iudaeam  itaque  hodie  nobis  illustre  esse  divinae  maledictionis  speculum.  Dicam  quod  videri  posset  incredibile,  nisi  clarissimus  Senatus  noster  una  cum  multis  gravibus  viris  locuples  esset  testis:  ubi  ita  convicta  tenebatur  impietas,  obscoenus  canis  tantum  os  perfricuit,2)  et  dixit  uno  verbo,  nihil  esse  illic  mali.  Et  quum  nulla  illi  in  mentem  veniret  fucata  excusatio,  nulla  tamen  ingenua  confessio  exprimi  potuit.  Lugduni8)  quum  sacris  Bibliis  corrigendis  opera  eius  conducta  foret,  postquam  typographum  quingentis  libris  francicis  emunxit,  ne  furatum  esse  quis  diceret  [pag.  60]  quod  mercedis  nomine  sumpserat,  singulas  paginas  partim  multis  futilibus  nugis,  partim  impiis  deliriis  inquinavit.  Quia  singulis  excutiendis  tempus  non  dabatur:  in  primis  obiectum  est  caput  Iesaiae  LIII4)  cuius  perspicuitas  quum  Iudaeis  quamlibet  impudentibus  ansam  calumniandi  praeciderit,  hic  falsarius  ausus  est  ad  Cyrum  torquere.  Ita  quod  de  unico  sacrificio,  partaque  in  eo  expiatione  aeterna,  de  mundi  cum  Deo  reconciliatione,  de  gratuita  fidei  iustitia  clarissime  propheta  disserit,  imo  sonora  voce  praedicat,  delevit  hic  perfidus  nebulo.  Nam  his  prophetae  verbis:  Vere  languores  nostros  ipse  tulit,  dolores  nostros  ipse  portavit,  vulneratus  est  propter  transgressiones  nostras,  afflictus  est  propter  peccata  nostra,  castigatio  pacis  nostrae  super  eum,  et  livor  eius  nobis  fuit  sanitas,  commentum  Serveto  dignam  assuit:  Defleri  Cyrum  qui  exigentibus  populi  peccatis  mortuus  erat.  Subiicit  quidem,  Christum  adumbrari,  in  quem  solum  proprie  haec  omnia  competunt.  Sed  interim  nullam  nobis  pro  peccatis  satisfactionem,  nullum  propitiandi  Dei  remedium,  nullam  purgationem  reliquam  facit.  Verum  certe  esse  quod  tunc  illi  obieci,  mihi  omnes  concedent,  quod  nullo  autore  1)  Add.  On  ne  peut  certes  sans  grand  outrage  du  sainct  Esprit,  qui  a  parle  par  la  bouche  de  Moyse,  aneantir  une  telle  louange.  2)  ne  feit  que  torcher  son  museau.  3)  Add.  On  luy  mit  aussi  en  avant  un  autre  item.  Car  il  y  a  environ  douze  ou  treize  ans  que  luy  estant  a  Lyon,  pource  qu'il  faisoit  bien  la  morgue  d'Espagne,  certains  Imprimeurs  s'addresserent  a  luy  etc.  4)  Sic  et  Gallus:  cinquante  troisiesme.  Beza  et  Atnst.  male  scribunt:  54.  Calvini  opera.  Vol  VIII.