7:497  497  CUM  ANTIDOTO.  498  isti  non  verentur,  nisi  mox  subscribamus  talibus  blasphemiis.  Ego  vero  sacrosanctae  Christi  institutioni  tantum  defero,  ut  si  Epicureus  quispiam,  intus  totam  actionem  subsannans,  mihi  coenam  ex  Christi  mandato,  et  secundum  regulam  ab  eo  datam,  rituque  legitimo  administret,  non  dubitem  panem  et  calicem  illius  manu  porrecta,  vera  mihi  esse  corporis  et  sanguinis  Christi  pignora.  Putidas  istas  naenias  piget  [pag.  274]  excutere,  ubi  dicunt:  sal*  tem  faciendi  quod  facit  ecclesia.  Nempe  magistrorum  suorum  dictata  recinunt.*)  Sed  quis  oculatus  non  videt,  perinde  hoc  valere,  ac  si  praeciperent  uno  verbo,  quaecunque  unquam  somniarunt  in  suis  lustris  monachi,  vel  sophistae  in  suis  rixis  blaterarunt,  quantumvis  insulsa  sint  et  absurda,  rata  nihilominus  firmaque  haberi?  Amen.  In  XII.  In  XIII.  Quos  vocent  receptos  et  approbatos  ecclesiae  catholicae  ritus,  nemini  obscurum  est.  Proinde  hac  cautione,  quidquid  superstitionum  puris  Domini  institutis  hominum  protervia  inductum  fuit,  stabiliunt.  Simplex  est  et  genuinus  baptismi  ritus,  simplex  et  coenae  administratio,  si  respicimus  quod  Dominus  praecepit.  At  vero,  quot  et  quam  variis,  quam  discoloribus  additamentis  obruta  est  haec  simplicitas?  Dicent,  si  quid  est  nimium,  rescindi  oportere:  sed  non  nisi  ex  sua  sententia.  Verum,  quam  nobis  ipsi  spem  faciunt,  dum  anathemata  sua  bacchico  furore  exsufflant,  si  quis  caeremoniolae  unius  omissionem  licitam  faciat?  Conqueruntur,  vel  saltem  gemunt  pii  omnes,  pluris  in  baptismo  fieri  chrisma,  cereum,  salis  saporem,  sputum  denique,  quam  aquae  lavacrum,  quo  tota  constat  baptismi  perfectio.  Coenam  non  modo  talibus  inquinamentis  vitiatam  [pag.  275]  esse  deplorant:  sed  conversam  in  adulterinum  nescio  quod  spectaculum.2)  Secundum  patres  Tridentinos,  nihil  erit  tam  prodigiosum,  quod  non  inter  probatos  ecclesiae  catholicae  ritus  locum  habeat.  Augustinus  iam  suo  tempore  conquerebatur,  onerari  iudaica  servitute  ecclesiam,  quum  vix  decima  pars  rituum  obtinuisset,  quorum  observatio  nunc  severius  requiritur,  quam  ullius  divinae  aut  humanae  legis.  Deliberant  Tridentini,  quidnam  factu  opus  sit.  Nulla  spe  levationis  ostensa,  diras  et  exsecrationes  omnibus  intentant,  qui  non  ad  unguem  se  usitatis  praescriptis  dediderint.  1)  Brief  ilz  parlent  comme  pies  en  eage,  selon  que  leurs  cafardz  leur  soufflent  aux  oreilles.  2)  en  une  farse  toute  contraire.  Caivim  opera.  Voi.  VII.