6:497  REFORMANDAE  ECCLESIAE.  possibile  esse,  experti  sunt  quicunque  serio,  hoc  est,  cum  vero  Dei  timore,  fecerunt  periculum.  Neque  enim  explicare  se  ullo  remedio  poterant,  quin  ad  desperationem  adigerentur.  Qui  vero  leviter  alias  satisfacere  Deo  cupiebant,  iis  aptissimum  erat  ad  hypocrisin  velamentum.  Nam  quia  defunctos  se  apud  Dei  tribunal  credebant,  simul  atque  in  aurem  sacerdotis  evomuerant  sua  peccata,  liberius  peccare  audebant,  quum  tam  expedita  esset  se  exonerandi  ratio.  Deinde,  quum  insideret  eorum  animis  haec  persuasio,  se  facere,  quod  lex  iubebat,  comprehendere  se,  qualicunque  sua  enumeratione,  omnia  sua  peccata  existimabant,  quorum  ne  millesimam  quidem  partem  assequebantur.  En  cur  dissipatam  a  nobis  fuisse  ecclesiae  disciplinam  vociferantur  adversarii  nostri:  quia  subvenire  miseris  conscientiis  studuerimus,  ne  sub  crudelissima  tyrannide  oppressae  perirent:  et  hypocritas  ex  suis  latibulis  in  apertam  lucem  extraximus,  ut  et  se  ipsos  propius  excuterent,  et  Dei  iudicium,  quod  antea  subterfugiebant,  melius  sentire  inciperent.  Verum  utcunque  multi  essent,  et  correctione  digni  abusus,  dicet  quispiam,  leges  tamen  sanctas  alioqui,  et  utiles,  et  longa  vetustate  quodammodo  iam  consecratas,  ita  protinus  in  totum  aboleri  non  oportuit.  De  carnium  esu,  nihil  aliud  respondeo,  nisi  quod  doctrinam  habemus  cum  veteri  ecclesia  [pag.  7  5]  consentientem  :  in  qua  liberum  fuisse  scitur,  carnibus  semper  vesci,  aut  abstinere.  Coniugii  prohibitio  antiqua  est,  fateor,  in  sacerdotibus:  similiter  in  monachis  et  monialibus  perpetuae  continentiae  votum.  Sed  si  hominum  consuetudini  praeponderare  concedunt  certam  Dei  voluntatem,  postquam  hanc  a  nobis  stare,  nobisque  aperte  suffragari,  illos  minime  latet,  quid  de  antiquitate  lites  nobis  faciunt?  Clara  est  sententia:  honorabile  esse  in  omnibus  coniugium  (Hebr.  13,  4).  Et  episcopis  nominatim  uxores  attribuit  Paulus  (1  Tim.  3,  2  r  Tit.  1,  6).  In  universum  autem  ad  coniugium  vocat,  quicunque  uruntur  (1  Cor.  7,  9):  et  doctrinam  daemoniorum  esse  pronunciat,  si  coniugium  interdicitur  (1  Tim.  4,  3).  Quorsum  adversus  tam  claras  spiritus  sancti  voces  hominum  consuetudinem  opponere  iuvat:  nisi  ut  homines  Deo  praeferantur?  Deinde  operae  pretium  est  animadvertere,  quam  iniqui  sint  aestimatores,  qui  nobis  usum  veteris  ecclesiae  in  hac  re  obiiciunt.  Quae  enim  vel  prior  vel  autoritate  dignior  ecclesiae  antiquitas,  quam  sub  apostolis?  Atqui  non  negabunt  adversarii,  permissum  tunc  ac  usitatum  omnibus  ecclesiae  ministris  coniugium  fuisse.  Si  expedire  censebant  apostoli,  ut  a  coniugio  arcerentur  sacerdotes,  cur  tanto  bono  fraudabant  ecclesiam?  Eluxerunt  exinde  anni  ducenti  circiter  et  quinquaginta,  usque  ad  concilium  Nicenum:  in  quo  de  indicendo  ministris  caelibatu  agitatum  quidem  fuisse  refert  Sozomenus;  Calvim  opera.  Vol  VI.