55:497  497  EPIST.  IUDAE  498  quum  ad  iudicandum  orbem  descendet.  Millia  dicit,  quemadmodum  et  Daniel  (7,  IO)  angulorum  myriadas  praedicat:  ne  impiorum  multitudo,  quasi  violentum  mare,  filios  Dei  abripiat,  dum  fore  cogitant  ut  suos  aliquando  colligat  Dominus:  quorum  pars  in  coelo  habitans  nuno  oculos  nostros  fugit,  pars  sub  ingenti  paleae  cumulo  obruta  latet.  Quae  autem  reprobis  impendet  vindicta,  electos  in  metu  et  sollicitudine  continere  debet.  Loquitur  de  factis  et  dictis,  quia  isti  corruptores  non  tantum  scelerata  vita,  sed  impuro  et  perverso  sermone  plurimum  nocebant.  Duros  autem  vocat  sermones,  ob  praefractam  audaciam,  qua  elati  se  petulanter  ingerunt.  16.  Hi  sunt  murmuratores.  Quia  sibi  in  pravis  cupiditatibus  indulgent,  simil  difficiles  sunt  ac  morosi,  ut  illis  nunquam  satisfiat:  hinc  fit  ut  semper  obmurmurent  ac  quaerantur,  quantumvis  se  illis  benigne  probi  homines  impendant.  Magni  loquentiam  taxat,  quod  se  ipsos  fastuose  iactent:  sed  interea  ostendit  illiberali  esse  ingenio,  quia  serviliter  se  demittant,  lucri  gratia.  Ac  vulgo  haec  inaequalitas  perspicitur  in  eiusmodi  nebuloni*  bus:  ubi  nemo  est  qui  eorum  insolentiam  reprimat,  vel  nullus  est  respectus  qui  obstet,  intolerabilis  eorum  est  superbia:  adeo  imperiose  quidvis  sibi  arrogant.  Quos  autem  metuunt,  vel  a  quibus  sperant  aliquid  commodi,  iis  sordide  blandiuntur.  Personas  accipit  pro  externa  magnitudine  vel  potentia.  17.  Vos  autem  dilectis  memores  estis  verborum  quae  praedicta  sunt  ab  apostolis  Domini  nostri  Iesu  Christi:  nempe  18.  quod  vobis  dixerunt,  ultimo  tempore  futuros  derisores,  qui  secundum  concupiscentias  suarum  impietatum  ambularent  19.  Hic  sunt  qui  se  ipsos  segregant,  animales,  spiritum  non  habentes.  17.  Vos  autem.  Vetustissimae  prophetiae,  nunc  apostolorum  monitiones,  quarum  recens  erat  memoria,  subiicit.  Veum  [iv^a&yjte,  non  multum  refert,  Indicativo  an  hortandi  modo  legas:  manet  enim  idem  sensus,  praedictione  quam  citat  munitos,  non  debere  percelli.  Tempus  ultimum  intelligit,  quo  renovata  ecclesiae  conditio  fixum  statum  accepit  usque  in  finem  mundi.  Goepit  autem  a  priore  Christi  adventu.  Derisores  vocat,  more  scripturae,  qui  impio  et  profano  Dei  contemptu  inebriati,  in  beluinum  numinis  contemptum  prosiliunt:  ita  ut  eos  religio  contineat  amplius  in  officio:  quia  nullus  haeret  futuri  iudicii  metus  in  eorum  animis,  nulla  spes  aeternae  vitae.  Quemadmodum  hodie  passim  Epicureis  Dei  contemptoribus  mundus  scatet,  qui  excussa  prorsus  omni  reverentia,  furiose  totam  pietatis  doctrinam,  quasi  fabulosam  subsannant.  19.  Qui  se  ipsos  segregant  Nonnulli  codices  Calvini  opera.  Vol  LV.