5:497  CONSILIUM  PAULI  III.  Nec  omittendum  est  concilium  futurum  utilissimum  fore  maiestatibus  suis,  quia  durante  eo  omissis  tractationibus  religionis  et  ad  concilium  reiectis,  interim  quae  sibi  utilia  et  necessaria  erunt  commode  tractabuntur.  Ne  principum  conscientiis  tantum  consulere  videatur  optimus  pater,  quam  bene  etiam  eorum  utilitatibus  studeat,  hic  ostendit.  Revocata  enim  ad  se  omni  ecclesiasticae  reforrrcatIQnis  cura  et  facta  concilii  spe,  quod  ipse  pro  sua  commoditate,  ubi  visum  fuerit,  convocabit,  principes  solutis  otiosisque  animis  ea  duntaxat  iubet  cogitare  quae  sibi  utilia  censuerint.  Cuius  rei  tanta  non  esset  commoditas,  si  ecclesiis  in  verum  et  legitimum  statum  restituendis  cogerentur  esse  intenti.  Fruantur  ergo  principes  beneficio  minime  contemnendo,  ut  ablegatis  a  se  tot  difficillimis  ac  moestissimis  curis  in  suam  unam  utilitatem  toti  incumbant.  At  quum  dominus  ecclesiae  suae  tutelam  principibus  singulariter  commendet,  quum  hanc  velit  praecipuam  esse  ipsorum  sollicitudinem,  [fol.  38J  ut  religio  rite  administretur,  quum  graviter  etiam  denunciet,  se  fore  severissimum  iudicem  si  negligentiores  hic  fuerint,  quibus  incantationibus  vult  eorum  mentes  hic  fascinare,  ne  quid  sibi  a  Domini  iudicio  timeant?  Deinde  quum  hoc  debeat  in  legitimis  comitiis  esse  propositum,  ut  imperium  in  vero  statu  conservetur,  cuius  principium  in  pura  sinceraque  religionis  observantia  situm  est,  putamusne  fore  ut  Dei  benedictione  prosperentur  eiusmodi  comitia,  in  quibus  religio  tanquam  res  extranea  negligetur?  Denique  ipsa  necessitas  manum  principibus  iniicit,  neque  eos  obdormiscere  patitur,  quin  partes  istas  suscipiant.  Et  ipsi  profecto  hoc  viderunt,  quum  aliquot  decretis  pronunciarunt  sui  officii  esse  periclitanti  ecclesiae  opitulari.  His,  inquam,  decretis  adstricti  et  apud  Deum  et  coram  hominibus  tenentur.  Quo  magis  videndum  nunc  ipsis  est,  an  cum  bona  Dei  pace  sibi  liceat,  praeterita  ecclesiae  causa,  non  nisi  quae  utilia  sibi  putaverint,  tractare.  Convocate  igitur,  ut  dictum  est,  concilio  et  exclusis  omnibus  privatis  tractatibus  religionis  maiestates  suae  poterunt,  quos  sibi  videbitur  ex  catholicis  congregare  ac  cum  eis  tractare  de  augendo  foedere  catJiolico,  quod  foedus  quanto  erit  magis  validum  et  potens,  tanto  erit  utilius.  In  hoc  cardine  vertuntur  omnia  sanctissimi  patris  consilia,  ut  foedus  hoc  adversus  protestantes  miris  Heldiil)  artibus  initio  concinnatum  augeatur,  1)  Be  Matthta  Heldio  vide  Sleidan.  II.  57.133  ss.  161.  Seml.  Fuit  camerae  imperii  primum  assessor,  postea  procancellarius,  protestantibus  infertsissimus  et  Farnesn  in  Belgio  sua  molimma  per  sequentis  fidus  socius,  foederisque  principum  catholicorum  diligentissimus  promotor.  Postea  vero  intercedente  inter  eum  et  Granvellam  discordia  imperatoris  gratia  excidit.  Calvini  opera.  Vol  V.