40:497  497  1N  EZECHIELIS  PROPH.  CAP.  XX.  498  igitur  introduxeram  ipsos  in  terram,  pro  qua,  vel  de  qua  manum  meam  levaveram,  ut  darem  eam  ipsis:  viderunt,  inquit,  omnem  collem  excelsum,  et  omnem  arborem  frondosam,  vel  ramosam,  et  illic  sacrificarunt  Deus  altare  unum  volebat  sibi  exstrui,  et  uno  in  loco  offerri  sacrificia:  imo  quum  populus  nondum  haberet  certam  et  fixam  stationem,  noluit  Deus  ullum  altare  sibi  construi  ex  lapidibus  politis,  ne  quod  vestigium  maneret,  sed  fieri  tumulum  duntaxat  rudem  ex  cespitibus,  vel  ex  lapidibus  asperis.  Iam  dicit,  quotquot  illis  obiecti  fuerunt  colles,  et  arbores  frondosae,  totidem  fuisse  illecebras  ad  superstitionem.  Haec  igitur  contumelia  est  quam  Deus  illatam  sibi  esse  nunc  conqueritur.  Docet  autem  hic  locus  ut  alii  similes,  non  tantum  corrumpi  Dei  cultum  ubi  transfertur  eius  honor  ad  idola,  sed  ubi  homines  sua  figmenta  ingerunt,  et  quasi  fermento  contaminant  quod  Deus  praeceperat.  Tenendum  igitur  est,  duas  esse  idololatriae  species,  quarum  una  crassior  est,  nempe  ubi  palam  coluntur  idola,  et  supponitur  Moloch,  vel  quispiam  ex  Baalim  Deo  vivo:  illa  est  superstitio  quasi  palpabilis,  quia  Deus  quodammodo  e  suo  gradu  deiicitur.  Sed  altera  quoque  idololatria  quamvis  sit  occultior  Deo  tamen  es  abominabilis,  nempe  ubi  sub  praetextu  nominis  ipsius  audacter  homines  comminiscuntur  quidquid  ipsis  venit  in  mentem,  et  ita  varios  cultus  instituunt:  quemadmodum  hodie  in  papatu  videmus  statuas  adorari,  videmus  invocari  mortuos:  denique  innumeris  modis  spoliari  Deum  suo  honore.  Ergo  quidquid  papistae  garriant,  tenentur  tamen  convicti:  et  mirum  est,  ipsos  non  prorsus  obmutescere,  quum  adeo  crassae  sint  eorum  superstitiones,  ut  pueri  quoque  ipsi  animadvertant.  Sed  aliae  sunt  superstitiones  magis  speciosae  et  fucatae.  Nam  ubi  multa  excogitarunt  in  Dei  honorem,  illic  neque  Barbara,  neque  Christophorus  in  medium  prodibunt,  sed  Dei  nomen  obtegit  illas  omnes  abominationes.  Atqui  videmus  frivolam  esse  excusationem,  dum  homines  obtendunt  sibi  nihil  aliud  esse  in  animo  quam  Deum  colere.  Neque  enim  duntaxat  Deus  asserit  sibi  uni  solidum  cultum,  sed  vult  etiam  coli  suo  non  hominum  arbitrio  :  vult  legem  suam  unicam  esse  regulam  veri  cultus:  ac  proinde  repudiat  omnes  cultus  fictitios.  Accusat  igitur  merito  propheta  noster  Israelitas,  quod,  converterint  oculos  ad  omnem  collem  excelsum,  et  ad  omnem  arborem  frondosam,  et  illic  obtulerint  irritationem  oblationis  suae.  Vocat  irritationem  oblationis  quod  non  tantum  stulte  profunderent  multam  pecuniam  in  vitiosos  illos  cultus,  sed  quod  Deum  quoque  ad  iram  provocarent.  Videmus  ergo  homines  non  modo  ludere  operam  ubi  declinant  a  Dei  mandatis,  et  temere  sudare  in  suis  superstitionibus  :  sed  Deum  ad  certamen  provocare,  quia  scilicet  eripiunt  illi  ius  legislatoris.  Nam  penes  ipsum  est  decernere  quo-  Ccdvini  opera.  Vol.  XL.