39:497  497  IN  IEREMIAM.  CAP.  LI.  498  mihi  coacta.  Ego  igitur  verba  futuri  temporis  accipio  loco  temporis  praeteriti.  Quoniam  autem  muri  Babylonis  non  absque  immenso  labore  exstructi  fuerant,  et  conducta  fuerat  immensa  hominum  turba,  ut  alii  afferrent  bitumen,  alii  terram  aggererent,  alii  conficerent  lateres:  ideo  propheta  hoc  loco  significat  totum  hunc  laborem  fore  supervacuum  nempe  quia  impensus  fuit  in  igne,  hoc  est,  quidquid  operae  contulerant  qui  fuerant  aut  mercede  conducti,  aut  coacti  imperio,  ad  muros  exstruendos,  laborasse  in  igne,  hoc  est,  laborasse  ut  tandem  opus  ipsorum  consumeretur  incendio.  Videtur  mihi  hic  esse  genuinus  prophetae  sensus.  Dicit  igitur  populos  laborasse  in  vanum,,  vel  nihilum:  quare?  laborabunt  enim  in  igne.  Secundum  membrum  est  expositio  prioris,  meo  iudicio.  Nunc  sequitur,  59.  Sermo  quem  praecepit  Ieremias  propheta  Seraiae  filio  Meriae,  filii  Mahesiae,  quum  profectus  est  pro  Zedechia  (vel  a  Zedechia)  rege  Iehudah  Babylonem  ,  anno  quarto  regni  ipsius:  Ser  aiah  autem  princeps  quietis.  Insignis  est  obsignatio  totius  doctrinae,  quam  hactenus  videmus  de  excidio  Babylonis.  Propheta  enim  non  tantum  loquutus  est,  et  promulgavit  quod  dictaverat  spiritus  Dei,  sed  etiam  redegit  in  librum,  neque  hoc  secundo  contentus,  tradidit  librum  Seraiae,  quum  profectus  est  Babylonem  mandato  Zedechiae  regis,  ut  illic  volumen  legeret,  proiiceret  in  Euphratem,  et  sese  confirmaret  in  spe  eorum  omnium,  quae  divinitus  praedicta  fuerant.  Primo  dicit  se  praecepisse  Seraiae  quid  esset  facturus,  nempe  ut  volumen  legeret,  et  proiiceret  in  Euphratem,  ut  postea  videbimus:  sed  tempus  quoque  designat,  et  simul  notat  quale  fuerit  ingenium  Seraiae,  ne  miremur  quod  regis  legato  propheta  ausus  fuerit  quasi  pro  imperio  mandare,  quod  ille  alioqui  respuere  poterat.  Quantum  ad  tempus  attinet,  fuit  annus  quartus  regni  Zedechiae:  septem  postea  annis  urbs  capta  fuit:  quum  obsessa  esset  anno  nono,  undecimo  capta  fuit.  Ergo  septem  annis  ante  urbis  excidium  et  ruinam  missus  fuit  Seraia  a  rege  Babylonem.  Minime  dubium  est  quin  legatio  suscepta  fuerit  hoc  fine  ut  placaret  regem  Babylonis,  qui  offensus  fuerat  levitate  et  perfidia  Zedechiae  regis:  legatus  ergo  missus  fuit  qui  deprecaretur.  Nam  quod  Iudaei  tradunt  Zedechiam  profectum  fuisse  Babylonem,  prorsus  absurdum  est,  et  scimus  Seder  olam,  unde  sumpserunt,  refertum  esse  multis  fabulis  et  nugis:  et  hoc  non  tacuisset  sacra  historia,  quia  res  erat  magni  momenti:  deinde  particula  nx  nihil  tale  exprimit.  Sed  potest  exponi,  quod  pro  Zedechia,  vel  a  Zedechia,  vel  loco  Zedechiae  missus  fuerit  legatus.  Contenti  ergo  simus  hac  simplici  et  genuina  ex-  Calvini  opera.  Vol.  XXXIX.