32:497  497  SUR  LE  PSEAUME  CXIX.  498  voulu  monstrer  aux  hommes,  qu'ils  doyvent  commencer  de  bonne  heure  a  estre  escoliers  de  Dieu,  et  se  laisser  gouverner  par  luy,  et  qu'ils  doyvent  continuer  en  ceste  estude-la  tout  le  temps  de  leur  vie.  N'attendons  point  donc  d'estre  venus  au  bort  de  la  fosse  pour  estre  sages  en  cest  endroit,  comme  nous  voyons  ces  gaudisseurs,  qui  s'esgayent  et  se  desbordent  en  se  mocquant  de  Dieu,  Nous  viendrons  tout  a  loisir  a  repentance.  Il  ne  faut  qu'un  bon  souspir.  Puis  qu'il  est  certain  que  c'est  Satan  qui  les  pousse,  a  les  faire  abuser  ainsi  lourdement  de  la  patience  de  Dieu:  gardons-nous  d'estre  ainsi  forcenez.  Mais  suyvons  ce  qui  est  yci  dit,  c'est  ascavoir  que  des  nostre  ieune  aage  nous  soyons  escoliers  de  nostre  Dieu.  Et  sur  tout  notons,  que  les  ieunes  gens  ont  yci  une  lecon  speciale,  comme  il  a  este  touche.  Oar  David  leur  monstre  qu'ils  ont  plus  de  besoin  d'estre  tenus  en  bride  .courte,  que  n'ont  pas  les  autres.  Il  est  vray  que  devaut  Dieu  nous  sommes  tous  fols,  et  comme  petis  enfans:  ie  dy  mesmes  les  vieux,  et  qui  ont  longue  experience,  et  qui  auront  quelque  gravite  devant  les  hommes,  encores  est-il  tout  certain  qu'ils  sont  pleins  de  folie  et  d'ignorance  devant  Dieu.  Et  mesmes  nous  oyons  la  confession  que  fait  David  en  un  autre  passage,  quand  il  dit  qu'il  a  este  comme  un  veau  et  une  beste  esgaree,  sans  raison  ne  prudence  aucune.  Et  si  cela  luy  est  advenu,  a  luy,  di-ie,  qui  estoit  un  Prophete  si  excellent,  que  sera  ce  de  nous?  Ainsi  dcnc,  les  vieilles  gens  doyvent  bien  profiter  en  ceste  escole  de  la  sagesse  de  Dieu:  mais  encores  ce  n'est  point  en  vain,  que  notamment  yci  David  a  exhorte  les  ieunes.  Pourquoy?  car  comme  i'ay  desia  declare,  ceste  aage-la  est  si  inconsideree  que  rien  plus,  et  est  beaucoup  plus  subiette  aux  tentations  de  Satan  et  de  la  chair.  Et  d'autre  part,  outre  ce  que  ieunes  gens  n'ont  nul  iugement  ne  prudence,  et  qu'ils  sont  ainsi  esmeus  d'ardeur  qu'ils  escument  leurs  grans  bouillons:  encores  au  lieu  d'avoir  quelque  modestie,  et  de  recevoir  les  admonitions  qu'on  leur  fera.  ils  seront  plus  fiers  et  plus  rebelles  que  ne  seront  pas  ceux  qui  pourroyent  avoir  occasion  d'estre  plus  faschez,  quand  on  les  reprend  ou  qu'on  les  redargue.  Et  qu'ainsi  soit,  nous  voyons  auiourd'huy  comme  tout  est  desborde.  Il  est  certain  que  la  droite  vertu  de  ieunesse,  ce  devroit  estre  modestie:  que  les  ieunes  gens  cognussent,  que  puis  qu'ils  ne  sont  point  tant  garnis  de  prudence  et  discretion  comme  sont  les  vieux,  qu'ils  les  escoutassent,  qu'ils  ne  fussent  point  adonnez  a  leur  fantasie,  et  a  leur  sens  propre.  Voyla  donc  la  principale  sagesse  qui  doit  estre  aux  ieunes  gens.  Mais  quoy?  auiourd'huy  ils  sont  effrontez  iusques  au  bout.  Et  en  cela  voit-on  que  le  monde  Calvini  opera.  Vol  XXXII.