25:497  497  COMMENTARIUS  IN  IOSUE  CAP.  X.  498  perent,  abrupta  illa  narratione  mox  transierat  ad  Gibeonitas.  Quod  autem  de  regibus  communiter  dixerat,  nunc  confert  in  unius  hominis  personam:  non  quod  solus  Adonizedec  timuerit:  sed  quia  omnes  alios  concitaverit,  et  dux  atque  autor  praecipuus  fuerit  gerendi  belli  contra  Israelitas.  Idque  satis  exprimitur  plurali  verbi  numero.  Quum  audisset  Adonizedec,  timuerunt  valde:  unde  apparet  eundem  omnibus  fuisse  animum:  sed  quia  in  trepidatione  alii  cessabant,  hunc  qui  autoritate  pollebat,  et  propinquior  erat  periculo,  vocasse  quatuor  alios  ad  arma.  Ergo  initio  capitis  repetitur  quomodo  societatem  coierint  quinque  reges,  ut  Israelitis  occurrerent  ad  propulsandam  quae  omnibus  instabat  cladem.  Verum  quia  se  interea  dediderant  Gibeonitae  in  ipsos  primo  arma  vertunt:  tum  ut  poenam  sumendo  quasi  de  patriae  proditoribus,  exemplum  statuerent  omnibus  vicinis:  tum  ut  illis  victis  terrorem  incuterent  hostibus,  suos  autem  milites  ad  fiduciam  animarent.  Aggredi  ergo  constituunt  Gibeonitas  qui  sua  legatione  rupturam  fecerant,  ut  viam  patefacerent  Israelitis.  Et  honestus  quidem  belli  praetextus  fuit,  eorum  mollitiem  ulcisci,  qui  extraneis  ad  omnia  vastanda  manum  porrigere  maluerant,  quam  vicinos  fideliter  defendere.  Gibeonitae  vero  experti  sunt  quam  inutile  esset  astutum  consilium:  nisi  misericordia  Israelitarum  servati  essent.  Interea  passus  est  Deus  eos  periclitari,  ut  bis  liberati  libentius  ac  placidius  iugo  se  subiicerent.  6.  Miserunt  itaque  viri  Gibeon.  Series  historiae  inversa  est:  quia  certe  non  exspectaverunt  Gibeonitae  dum  obsiderentur,  sed  quum  viderent  armari  et  instrui  exercitum,  nec  dubium  esset  quin  sustinendi  ipsis  essent  primi  impetus,  quia  omnium  odia  in  se  conflaverant,  antequam  oppugnentur,  mature  confugiunt  ad  fidem  Iosue.  Nam  eos  deserere  quibus  data  fuerat  vita,  neque  rectum,  neque  humanum,  neque  fas  fuisset.  Imo  quia  foedus  sequuta  erat  deditio,  contra  vim  et  iniuriam  defendi  oportuit.  Merito  itaque  implorant  Israelitas,  sub  quorum  erant  clientela:  nec  vero  cunctatur  Iosue,  quia  suarum  partium  esse  iudicat,  quos  semel  recepit  in  suam  clientelam,  tueri.  Fefellerant  quidem:  sed  ex  quo  fraus  detecta  fuerat,  ut  eam  excusatione  interposita  confessi  erant,  venia  rursus  data  fuerat.  Ita  aequitas  et  officii  religio  constrictos  tenebat  Israelitas,  ne  eorum  curam  abiicerent.  Laude  tamen  digna  est  Iosue  promptitudo,  quod  rogatus  absque  mora  succurrit.  Dicitur  enim  tota  nocte  iter  fecisse,  ut  pro  salute  totius  populi  diligentius  festinare  non  potuerit.  Si  eadem  semper  in  profanis  gentibus  valuisset  sinceritas,  in  tempore  iuvissent  potius  suos  foederatos  quam  ulti  essent  clades  ipsis  illatas.  Neque  tamen  particula  repente  restringi  debet  ad  unum  diem,  quasi  tridui  iter  nocte  una  emensus,  Calvini  opera.  VoL  XXV.