9:496  panem  et  distributum  discipulis,  corpus  suum  illum  fecit,  Hoc  est  corpus  meum  dicendo,  id  est,  figura  corporis  moi.  Figura  autem  non  fuisset,  nisi  veritatis  esset  corpus.  Caeterum  vacua  res,  quod  est  phantasma,  figuram  capere  non  potest.  Aut  si  propterea  panem  sibi  corpus  finxit,  quia  corporis  carebat  veritate,  ergo  panem  debuit  tradere  pro  nobis.  Faciebat  ad  vanitatem  Marcionis,  ut  panis  crucifigeretur.  Probat  Tertullianus  veram  carnis  Christi  substantiam,  ex  eo  quod  non  poterat  panis  esse  figura,  nisi  rei  verae.  Forma  loquendi  Heshusio  quidem  displicet,  quia  periculosa  videtur:  verum  quasi  sui  oblitus,  modo  insidiae  facessant,  eam  admittit.  Porro  insidias  intelligit,  si  panis  dicatur  signum  [pag.  58]  aut  figura  esse  absentis  carnis.  In  voce  absentiae  ne  fucum  suo  more  faciat,  teneant  lectores  quod  prius  admonui,  sic  Christum  loco  et  aspectu  abesse,  ut  vere  tamen  fideles  praesenti  carnis  eius  substantia  fruantur  et  alantur.  Interea  nullis  suis  cavillis  huius  viri  suffragium  nobis  extorquebit.  Nam  quod  dicit  ille,  panem  factum  esse  corpus,  certe  non  aliunde  sensus  petendus  est  quam  ex  contextu.  Nec  vero  sanguinem  in  vino  consecrare  tantundem  valet,  atque  affigere  sanguinem  vino  :  sed  respondet  proximae  sententiae,  ubi  dicit  substantiam  carnis  suae  confirmasse  Christum,  quando  testamentum  condidit  sanguine  suo  obsignatum:  quia  sanguis  esse  non  potest  nisi  verae  carnis.  Nemini  certe  dubium  est,  obsignationem,  quae  peracta  est  in  cruce,  cum  hac  consecratione  conferri,  qua  Christus  foedus  aeternum  cum  suis  paciscitur.  Nihilo  plus  consequitur  Heshusius  ex  altero  loco,  ubi  carnem  dicit  corpore  et  sanguine  Christi  vesci,  ut  de  Deo  saginetur,  hoc  est,  ut  in  divinitatis  participationem  veniat.  Summa  est,  absurde  et  impie  facere  qui  carnem  nostram  a  spe  resurrectionis  excludunt,  quam  Christus  spiritualis  vitae  symbolis  dignatur.  Itaque  in  eodem  gradu  ponit  non  modo  baptismum,  sed  unctionem,  signaculum  crucis,  et  manus  impositionem.  Mira  autem  socordia:  quo  probet  non  sola  fide  participes  nos  fieri  carnis  Christi,  locum  citat  ex  libello  de  Oratione  dominica:  ubi  spiritualiter  intelligi  posse  dicit  quod  precamur  nobis  dari  panem  quotidianum:  quia  Christus  est  panis  noster,  quia  vita  Christus,  quia  est  sermo  Dei  vivi  qui  descendit  e  coelis,  et  corpus  cius  in  pane  censetur.  Unde  concludit  nos  perpetuitatem  in  Christo  petere,  et  [pag.  59]  individuitatem  a  corpore  cius.  Obsecro,  si  in  animo  haberet  praevaricari,  l)  possetne  melius  causam  nostram  iuvare?  En  cur  de  antiquitate  glorietur.  Cyprianum  eadem  dexteritate  patronum  sibi  adsciscit.  Contendit  Cyprianus  non  esse  denegandum  1)  s'il  vouloit  vendre  luy-mesme  sa  partie  par  sousmain.