[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


40:496  agnitus  fuit  pater  a  Iudaeis,  se  fore  ipsorum  iudicem,  ut  cogantur  velint  nolint  sentire  formidabilem  eius  potentiam  quam  spreverunt.  Quoniam  hac  de  re  plura  ante  diximus,  nunc  levius  praetereo.  Notandum  tamen  est  illud,  Deum  a  reprobis  cognosci,  quia  ubi  paterna  eius  bonitas  diu  ab  ipsis  contempta  fuit,  tandem  apparet  iudex,  invitos  trahit  ad  suum  tribunal,  et  exsequitur  suam  vindictam,  ut  effugere  nequeant.  Sequitur,  27.  Propterea  loquere  ad  domum  Israel,  fili  hominis,  et  dic  illis,  Sic  dicit  dominator  Iehovah,  Adhuc  in  hoc  contumeliosi  in  me  fuerunt  patres  vestri  praevaricando  in  me  praevaricatione.  28.  Nam  introduxi  (copula  enim  sic  resolvi  debet)  in  terram  pro  qua  sustuleram  manum  meam  ad  dandum  eam  ipsis:  et  viderunt  omnem  collem  excelsum,  et  omnem  arborem  frondosam:  et  sacrificarunt  illic  sacrificia  sua,  et  obtulerunt  illic  irritationem  oblationis  suae,  et  posuerunt  illic  odorem  bonae  fragrantiae  suae,  et  fuderunt  illic  sua  libamina.  Nunc  descendit  ad  populi  scelera,  quibus  provocatus  fuit  Deus,  postquam  terra  Chanaan  potiti  sunt,  utpote  qui  tam  sedulo  admoniti  Deum  tamen  contempserint.  Conqueritur  ergo  hoc  sibi  fuisse  nimis  probrosum,  quod  postquam  eos  manuduxerat  in  possessionem  haereditatis  promissae,  non  tamen  destiterint  quasi  data  opera  insultare  contra  ipsum.  Fuerat  iam  haec  contumelia  intolerabilis,  quum  in  deserto  apud  eos  nihil  profecerat.  Erat  enim  haec  obtestatio  satis  seria  ad  ipsos  promovendos,  In  decretis  patrum  vestrorum  ne  ambuletis:  ego  Deus  vester,  legem  meam  servate.  Quum  ergo  Deus  sub  obsequium  suum  eos  colligeret,  cuius  fuit  superbiae  non  attendere  ad  illam  obtestationem,  sed  persequi  suam  vesaniam?  Verum  crimen  longe  fuit  atrocius,  quum  tandem  ingressi  sunt  terram  Chanaan,  et  tot  victorias  adepti,  quod  experimentis  senserant  non  reputarunt,  Deum  suam  potentiam  declarasse,  quo  eos  melius  devinctos  teneret.  Quotquot  enim  beneficia  in  ipsos  contulit  Deus,  totidem  vincula  fuerunt,  quibus  magis  ac  magis  adstringebantur.  Non  frustra  igitur  cum  ipsis  nunc  expostulat,  quod  contumelia  affectus  fuerit,  dum,  inquit,  mentiti  sunt  mihi,  vel  transgressi  sunt  in  me.  Hoc  non  fuit  simplex  crimen,  neque  perfidia  duntaxat,  sed  quasi  se  ipsos  oblectarent  proterve  insultando.  Nam  F)"U  significat  exprobare,  contumelia  afficere,  convitiari.  Deus  ergo  hoc  verbo  exprimere  voluit  quasi  deliberatam  populi  insolentiam,  dum  ita  improbe  in  eum  surrexerunt,  ac  si  conspuerent  in  eius  faciem.  Summa  est,  non  fuisse  duntaxat  foedifragos  et  rebelles,  quum  terram  Chanaan  contaminarent  suis  superstitionibus:  sed  quasi  ad  petulantiam  proiectos,  ut  Deum  ex  professo  contumelia  afficerent.  Postquam  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci