37:496  496  expertus  fuerit  deploratam  eorum  malitiam.  Sic  ergo  praefatur,  Recordatus  sum  tui  propter  misericordiam  adolescentiae  tuae  et  amorem  desponsationis  tuae.  His  verbis  docet  se  non  spectare  quid  meriti  sint  Iudaei,  neque  etiam  agnoscere  ullam  in  ipsis  dignitatem,  cur  sollicitus  sit  de  eorum  salute,  et  eos  in  viam  reducere  studeat  prophetae  sui  opera:  sed  hoc  dare  prioribus  suis  beneficiis.  Vertunt  quidam,  Recordatus  sum  pietatis,  vel  misericordiae  adolescentiae  tuae,  et  Lak  ita  posset  resolvi,  sicuti  quibusdam  aliis  locis.  Alii  autem  omittunt  particulam  Lak:  alii  vero  subaudiunt  copulam,  Recordatus  sum  tui  et  misericordiae.  Nullus  autem,  meo  iudicio,  assequutus  est  prophetae  mentem,  quum  tamen  nulla  sit  obscuritas  in  verbis,  si  subaudiatur  particula,  quod  scilicet  Deus  recordetur  populi  sui,  propter  misericordiam  qua  ipsum  complexus  est,  propter  amorem  quo  prosequutus  est  eum  ab  initio.  Hunc  ergo  genuinum  prophetae  sensum  esse  arbitror,  quod  scilicet  Deus  hic  tollat  omnem  materiam  superbiae  et  gloriationis  Iudaeis:  quasi  diceret,  ipsos  esse  dignos,  quorum  nulla  sit  ratio,  sed  se  adhuc  illis  esse  patrem,  quoniam  nolit  perire  sua  beneficia,  quae  in  ipsos  pridem  contulerat.  Denique  hic  est  causae  redditio,  cur  Deus  mittat  Ieremiam  post  alios  prophetas:  quasi  diceret,  Hoc  vobis  testimonium  erit  paternae  curae,  qua  vos  prosequor,  dum  mitto  prophetam,  qui  spem  veniae  vobis  faciat,  si  in  viam  redieritis,  et  sitis  mihi  reconciliati.  Unde  autem  fit,  ut  ego  adhuc  de  vobis  cogitem,  quum  tamen  sitis  mei  obliti,  et  abieceritis  omnem  curam  meae  legis?  nempe  quia  volo  continuare  mea  erga  vos  beneficia.  Vocat  Misericordiam  adolescentiae,  passive.  Nam  his  verbis  non  intelligit  misericordes  fuisse  Iudaeos  olim,  sed  expertos  fuisse  Dei  misericordiam.  Notanda  autem  est  similitudo,  qua  utitur.  Nam  hic  Deus  sponso  adolescenti  se  comparat,  qui  uxorem  duxit  teneram,  et  in  flore  aetatis,  et  summa  pulchritudine.  Et  hic  loquendi  inodus  passim  occurrit  apud  prophetas.  Ego  non  immoror  in  explicatione,  quoniam  alibi  fusius  de  ea  re  tractandum  erit.  Quum  ergo  Deus  sibi  desponsaverit  israeliticum  populum,  ubi  eum  redemit  et  eduxit  ex  Aegypto,  dicit  se  nunc  recordari  populi  propter  illam  misericordiam,  et  propter  amorem.  Praeponit  amori  misericordiam,  vel  beneficentiam.  Nam  ion  proprie  est  gratuitus  favor,  vel  humanitas,  quae  miseris  praestatur,  vel  beneficentia.  Amoris  voce  pluribus  aliis  locis  Deus  intelligit  etiam  gratuitam  electionem,  qua  complexus  fuerat  totum  illum  populum.  Sed  clarior  est  expressio,  ubi  statuitur  in  priore  gradu  misericordia,  vel  gratuitus  favor  :  deinde  etiam  amor  adiungitur.  Nihil  quidem  additur  novi,  sed  expressius  declarat  propheta,  populum  illum  fuisse  dilectum  a  Deo  non  alio  respectu  nisi  misericordiae.  Est  autem  hic  insignis