32:496  d'autant  plus  encline,  qu'il  y  a  peu  d'avis  et  peu  de  prudence.  Ii  les  a  donc  voulu  advertir  de  ceste  necessite-la,  afin  qu'ils  soyent  plus  soigneux  d'appliquer  leur  estude  a  la  parole  de  Dieu.  Et  (en  somme)  il  a  voulu  advertir  tout  le  monde  en  general,  que  nous  devons  commencer  de  bonne  heure  a  estre  escoliers  de  Dieu,  si  nous  voulons  estre  instruits  selon  sa  volonte.  Nous  scavons  ce  qui  est  dit  par  Salomon  en  l'Ecclesiastique,  qu'il  ne  faut  point  que  nous  attendions  d'estre  venus  aux  ans  caduques  de  vieillesse,  et  que  nous  soyons  rompus  et  cassez  quant  au  corps,  pour  nous  souvenir  de  Dieu  et  y  penser.  Mais  commencons  si  tost  que  Dieu  nous  a  donne  sens  et  discretion,  et  que  cela  nous  continue  iusqu'en  la  fin.  Voyla  donc  une  doctrine  que  nous  devons  bien  noter,  car  nous  voyons  quelle  est  la  source  de  tous  les  excez,  et  toutes  les  dissolutions  qui  regnent  au  monde,  et  ont  regne  de  tout  temps,  e'est  pource  que  Dieu  n'est  point  obey,  car  nous  aurions  lors  une  bride  qui  nous  suffiroit  bien  pour  nous  tenir  en  rang  et  en  bon  ordre,  moyennant  que  nous  souffrissions  d'estre  rengez  par  la  doctrine,  laquelle  est  contenue  en  l'Escriture  saincte.  Si  donc  les  hommes  avoyent  ceste  humilite-la,  de  se  renger  a  Dieu  comme  a  leur  maistre,  on  verroit  un  ordre  angelique,  les  choses  seroyent  les  mieux  dressees  qu'on  scauroit  souhaiter.  Mais  quoy?  Le  monde  ne  veut  point  obeir  a  Dieu  comme  il  appartient,  et  ne  peut  estre  amene  a  ceste  raison.  Voyla  donc  pourquoy  nous  voyons  les  choses  si  confuses.  Tant  y  a  que  nous  sommes  inexcusables,  puis  que  nostre  Dieu  se  presente  a  nous,  et  nous  declaire  que  si  nous  suyvons  sa  Parole,  tout  ira  bien,  que  nostre  voye  sera  pure  et  nette,  qu'il  y  aura  une  vraye  perfection  en  nostre  vie.  Quand  Dieu  rend  ce  tesmoignage-la  a  sa  Loy,  il  faut  que  toutes  bouches  soyent  closes,  que  les  hommes  soyent  abysmez  quand  ils  cognoissent  qu'ils  ont  este  ainsi  rebelles  a  leur  Dieu,  lequel  estoit  prest  de  l'es  bien  conduire.  Voyla  un  Item.  Et  au  reste,  si  nous  avons  nos  affections  si  repugnantes,  que  nos  cupiditez  soyent  comme  bestes  sauvages,  tellement  que  nous  ne  les  puissions  repri-  .mer:  cognoissons  que  nostre  Dieu  donnera  vertu  k  sa  Parole  pour  nous  unir  a  soy,  .  moyennant  que  nous  tendions  a  ce  but-la.  Et  qu'ainsi  soit,  il  est  yci  notamment  parle  des  corruptions  de  ieunesse,  lesquelles  (comme  desia  nous  avons  declaire)  sont  plus  excessives  et  plus  desbordees,  qu'elles  ne  sont  en  des  gens  desia  aagez.  Mais  tant  y  a,  que  et  grans  et  petis  pourront  bien  venir  a  bout  de  reprimer  leurs  affections  et  leurs  cupiditez  desordonnees,  moyennant  qu'ils  donnent  a  Dieu  l'honneur  qui  luy  appartient,  c'est  qu'ils  ensuyvent  sa  Parole.  Au  reste,  il  nous  faut"  bien  noter  l'exhortation  que  i'ay  desia  touchee,  c'est  ascavoir,  que  David  a  yci