8:495  495  REFUTATIO  ERRORUM  496  tura  perceperam,  id  studui  fideliter  et  clare  tradere.  O  Rogas  qualiter  regenerationis  spiritu  vivificetur.  Quae  loquutio  primum  aliena  est  ab  usu  scripturae:  deinde  falsum  commentum  resipit,  quasi  spiritus  adoptionis  mortuam  fidem  afferat,  quae  vitam  deinde  mutuetur  a  regeneratione.  Vera  autem  fides  Christum  apprehendere  non  potest  [pag.  57]  in  iustitiam,  quin  simul  apprehendat  in  sanctificationem.  Itaque  quid  tibi  velis,  non  assequerer,  nisi  utcunque  tuis  deliriis  essem  assuefactus.  Ignosce  :  ita  res  me  loqui  cogit.  Ego  te  nec  odi,  nec  contemno,  nec  durius  insectari  velim.  Atqui  ferreus  sim,  nisi  commovear,  quum  te  sanae  doctrinae  tanta  protervia  insultare  video.  Neminem  sine  promissione  iustificari  concedo.  Verum,  si  inde  inferas  non  iustificari  parvulos,  quia  promissionem  non  percipiant,  inepta  erit  consequentia.  Neque  enim  ad  ipsos  diriguntur  promissionis  verba,  sed  ad  patres.  Homo  internus  Paulo  non  significat  hominem  novum,  quemadmodum  putas.  Verum,  omissa  verbi  controversia,  si  cupias  ex  me  discere  quis  sit  homo  genitus  ex  Deo:  reperies  plenam  eius  rei  definitionem  in  secundo  Institutionis  capite.2)  Dico  animas  nostras  quatenus  fide  sunt  renovatae,  vere  in  coena  ali  a  Christo:  nec  esse  imaginariam  illic  communicationem  Christi,  sed  veram.  Quae  fuerit  gratia  adventus  Christi,  et  quid  a  patribus  differamus,  reperies  in  capite  de  Veteri  et  Novo  Testamento.3)  Faxit  Dominus  ut  deposito  supercilio  sustineas  humilis  esse  veritatis  discipulus.  Hoc  puto,4)  evidens  signum  fuit  praefracti  et  indomabilis  spiritus,  quod  tantum  diris  postea  et  exsecrationibus  agendum  sibi  putavit.  Certe  verbum  Domini  foede  pro  sua  libidine  discerpens  clare  ostendit,  susque  deque  sibi  esse  totam  religionem,  modo  petulantiae  suae  morem  gereret.  Ad  haec,  quale  de  eo  homine  iudicium  feremus,  cui  hoc  unum  fuisse  propositum  palam  est,  ut  quidquid  unquam  de  religione  [pag.  58]  traditum  fuit,  nullo  adhibito  delectu  convelleret,  nisi  hanc  captasse  laboris  sui  mercedem,  1)  Add.  en  mon  Institution,  ce  que  Dieu  m'en  avoit  donne.  2)  Nunc  Ub.  IL  cap.  4.  3)  Tunc  XL  postea  Ub.  IL  cap.  10.  l  l  .  4)  Hic  evidenter  autor,  absoluta  ad  Serveti  quaestiones  responsione,  redit  ad  orationem  suam  polemicam  sive  expositionem  errorum  qua  supra  pag.  37  abrupta  ad  adversarii  suasque  ipsius  lucubrationes  pridem  exaratas  delapsus  fuerat.  Verum  in  libris  editis  nullum  huius  diversitatis  vestigium  conspicitur.