7:495  495  ACTA  SYNODI  TRIDENTINAE  496  Quasi,  inquiunt,  externa  tantum  sint  signa.  Imo  perinde  loquuntur,  ac  si  inter  haec  duo  nihil  esset  medium.  Nos  vero,  sicuti  monachale  [pag.  270]  illud  commentum  repudiamus,  aliter  prodesse  sacramenta  quam  per  fidem,  ita  libenter  cum  signis  ipsis  coniungimus  veram  rei  exhibitionem:  ut  nullus  eorum  extra  fidem  sit  effectus,  et  tamen  non  inania  sint,  nudaque  gratiae  procul  remotae  signa.  In  VII.  Primo  definiendum  erat,  quid  sit  rite  suscipere  sacramenta:  nam  porci  isti,  praeterita  fide  ac  posthabita  poenitentia,  non  illa  quidem  caeremoniali  quam  magnifice  praedicant,  sed  interiore  cordis  qua  totus  homo  ad  Deum  convertitur,  in  simulata  nescio  qua  devotione,  ut  loquuntur,  situm  esse  putant,  ut  rite  quis  sacramenta  recipiat.  Quod  si  de  legitima  dispositione  hominis  constaret,  nihil  amplius  de  efficacia  restaret  controversiae.  Quis  enim  rite,  ut  decet,  accedentibus  exhiberi  dubitat  quam  illic  Deus  promittit  gratiam?  Proinde  quisquis  de  puro  sacramentorum  usu  mediocriter  fuerit  edoctus,  insulse  eos  distinguere  agnoscet,  quum  ex  parte  Dei  gratiam  dari  asserunt:  nam  qualiscunque  sit  hominis  indignitas,  manere  Deum  semper  veracem  oportet.  Nihil  ergo,  ex  parte  quidem  Dei,  sacramentorum  efficaciae  vel  decedit  vel  derogatur  quamlibet  indigna  ipsorum  profanatione,  quoad  malam  hominum  conscientiam  spectat:  sed  tantum  perit  effectus,  vel  saltem  [pag.  271]  intercidit,  quominus  ad  nos  perveniat.l)  In  VIII.  Hic  vero  non  modo  clarius,  sed  etiam  crassius  impietatem  suam  detegunt.  Commentam  de  opere  operato  et  recens  est  et  ab  indoctis  monachis  excusum,  qui  de  sacramentorum  natura  nihil  unquam  didicerant:  nam  in  sacramentis  proprie  solus  Deus  agit:  quia  nihil  illuc  homines  suum  afferunt,  sed  accedunt,  oblatam  sibi  gratiam  recepturi.  Ita  in  baptismo  Deus  nos  filii  sui  sanguine  abluit,  suoque  spiritu  nos  regenerat.  In  coena  carne  sanguineque  Christi  nos  pascit.  Quam  sibi  operis  partem  absque  sacrilegio  homines  vendicabunt,  ubi  totum  gratiae  esse  apparet?  Nam  quod  hominibus  commissa  est  administratio,  id  Dei  operationi  non  magis  derogat,  quam  manus  artifici:  quando  per  eos  agit  unus  Deus,  efficitque  omnia.  Pecudes  autem  istae,  taceo  quod  in  gratuitis  Dei  donis  reperiunt  aliquod  hominis  meritum,  sed  fingunt  nos,  nihil  agendo,  Deum  promereri,  nobisque  reddere  obnoxium:  nec  eo  contenti  monstra  verborum  evomunt,  quibus  hoc  extorqueant  Deo,  ne  solus  in  sacramentis  agere  cen-  1)  Add.  pource  qu'ilz  en  usent  ainsi  indignement.