5:495  CONSILIUM  PAULI  III.  Neque  erit  difficile  hoc  concilium  celebrare,  quod  omnes  pii  homines  continuis  precibus  et  votis  a  Deo  vel  summo  pontifice  efflagitant,  ut  inter  alios  fecit  paulo  ante  rex  Poloniae  per  proprium  legatum.  Recte,  nulla'enim  unquam  celebrandi  pii  concilii  difficultas  sanctis  fuit,  nec  hodie  foret,  nisi  a  pontifice  romano  eiusque  creaturis,  quibus  ad  legitimam  aliquam  cognitionem  descendere  intolerabile  est,  impedirentur.  Vere  enim  pridem  omnes  pii  homines  continuis  id  precibus  et  votis  flagitarunt,  sed  ut  hactenus  frustra  id  factum  fuit,  ita  nihil  in  futurum  melius  sperandum,  nisi  principes  ipsi  illud  invito  pontifice  indicant  et  celebrent.  Inprimisque  ipsi  confoederati  foederis  sive  ligae  catholicae  per  quos,  ut  supra  dictum,  in  uno  articulo  constitutum  est  et  iuratum,  ut  velint  totis  viribus  suis  procurare  concilium  quod  in  diaeta  ratisponensi,  ut  supra  dictum  est,  sine  autoritate  caesareae  maiestatis  fuit  conclusum.  Utinam  hoc  foedus  non  magis  ad  deterrendos  a  studio  reformationis  bonos  sit  institutum,  quam  ad  corrigenda  per  concilium  vitia  ecclesiastica.  Georgius  quidem  Saxoniae  dux,  ut  hic  articulus  de  concilio  insereretur,  autor  fuit,  sed  quo  animo  eum  creaturae  pontificis  tum  admiserint,  etiam  si  ipsi  dissimulassent,  quod  non  fecerunt,  tamen  res  ipsa  satis  testaretur.  Solenne  enim  hoc  habent  quoties  reformatione  urgentur,  quod  Georgius  faciebat,  polliceri  eoncilium  quod  se  semper  pro  libitu  posse  impedire  non  dubitant.  Tempus  enim  opportunum  est,  nam  quum  caesarea  maiestas  et  christianissimo  rex  Gallorum  sunt  in  hoc  tractatu  pacis,  cuius  sperari  potest  {Deo  dante)  finis  optimus,  dumque  tanta  inter  maiestates  suas  facta  est  coniunctio  animorum,  et  tot  signa  benevolentiae  omnibus  ostensa,  omnium  provinciarum  suarum  praelati  sfol.  36]  tuto  et  commode  venire  poterunt.  Sicut  concilium  pontificii  pium  et  verum  celebrari  cupiunt,  ita  student,  ut  monarchis  inter  se  per  omnia  conveniat.  Atqui  si  concilii  celebrandi  tunc  optima  est  opportunitas,  dum  ii  duo  monarchae,  imperator  et  rex  Gallorum,  inter  se  sunt  concordes:  qui  factum  est,  ut  quum  mantuanum  suum  concilium  indixisset  Paulus  tertius,  quo  tempore  duo  isti  principes  gravissime  inter  se  confligebant,  et  in  speciem  etiam  celebrare  coepissent,  statim  atque  induciae  decennales  inter  eos  compositae  sunt,  revocaverit  quos  Mantuani,  ut  fucus  nationibus  fieret,  miserat,  conciliumque  sic  distulerit,  ut  omnem  eius  spem  penitus  abscinderet?  Accedit  insuper  securitas  conscientiarum  inprimis  caesareae  vel  regiae  maiestatis,  deinde  reliquorum  principum