37:495  495  PRAELECTIONES  496  19.  Pugnabunt  autem  tecum  (vel  praeliabitur  contra  te)  sed  non  praevalebunt  tibi,  quia  tecum  ego  (quia  sum  tecum),  dicit  Iehovah,  ad  te  liberandum.  Hoc  versu  breviter  admonet  Deus  servum  suum,  quamvis  inexpugnabili  virtute  sit  instructus,  tamen  instare  multas  molestias,  ut  non  peragat  munus  suum  ludendo,  quemadmodum  vulgo  dicunt.  Ostendit  igitur  quorsum  futurus  sit  similis  urbi  invictae,  et  columnae  ferreae,  et  muro  aeneo,  nempe  ut  viriliter  pugnet,  non  autem  ut  procul  a  se  abigat  omnia  discrimina,  omnes  pugnas,  et  quidquid  durum  et  grave  erit  secundum  carnem.  In  summa,  videmus  usum  promissionis  huc  spectare,  ut  Ieremias  fretus  Dei  auxilio  non  dubitet  sese  opponere  universis  Iudaeis:  et  qualiscunque  sit  eorum  rabies,  ut  tamen  non  frangatur  animo.  Iam  hinc  colligi  potest  utilis  doctrina,  nempe  quoties  Deus  promittit  servis  suis  victoriam  contra  hostes,  non  debere  ipsos  hoc  trahere  ad  fovendum  torporem  vel  ignaviam:  sed  potius  ad  colligendos  animos,  ut  scilicet  forti  et  infatigato  studio  pergant  in  cursu  vocationis  suae.  Denique  promittit  Deus  se  fore  illis  liberatorem:  sed  simul  etiam  illos  hortatur  ad  sustinendos  omnes  impetus  hostium.  Dicit  igitur,  Pugnabunt  ipsi,  sed  non  praevalebunt,  quia  tecum  ego,  ut  te  liberem.  Ex  quibus  verbis  dicimus  ita  armatum  fuisse  Ieremiam,  ut  non  debuerit  expavescere,  quum  videret  proposita  sibi  esse  discrimina.  Neque  enim  Deus  hic  pronuntiat  se  fore  illi  instar  muri,  ne  quos  insultus  sustineat:  sed  dicit,  ut  te  liberem,  quasi  diceret,  Compara  te  ad  tolerantiam,  quia  nisi  tibi  essem  liberator,  actum  esset  de  tua  vita,  ac  centies  perires:  sed  inter  mille  mortes,  non  est  quod  quidquam  periculi  exhorreas,  ubi  ego  tibi  praesto  sum  liberator.  Sequitur,  CAPUT  SECUNDUM.  1.  Et  fuit  sermo  Iehovae  ad  me  dicendo,  2.  Vade,  et  clama  ad  aures  Ierusalem,  dicendo,  Sic  dicit  Iehovah,  Recordatus  sum  tui  propter  mise'  ricordiam  adolescentiae  tuae,  et  dilectionem  desponsationis  tuae,  quum  me  sequuta  es  (quum  venisti  post  me,  profecta  es  post  me)  in  deserto,  in  terra  non  seminata.  Hic  iam  mandata  iniungit  Deus  servo  suo,  quae  ad  regem  et  sacerdotes,  et  totum  vulgus  perferat.  Nam  per  aures  Ierosolymae  intelligit  omnes  incolas.  Tacite  autem  hic  significat  Deus,  indignos  esse  Iudaeos,  quorum  amplius  gerat  curam,  sed  alia  causa  se  adduci,  ne  ipsos  in  totum  reiiciat,  donec