35:495  495  SERMON  CLVIII  496  qu'il  ait  des  vertus  apparentes  qui  seront  fort  prisees  des  hommes,  tout  ne  vaut  rien,  ce  n'est  que  puantise.  Voila,  di-ie,  un  homme  qui  craindra  Dieu,  et  aura  une  affection  et  droite  et  pure  de  s'addonner  a  bien  faire.  Or  cependant  il  y  aura  beaucoup  d'infirmitez,  il  cloche,  il  fleschist,  il  decline,  il  tombe  quelquefois.  Voire  mais  les  fautes  qu'il  commet  lui  sont  pardonnees,  et  Dieu  lui  tend  tousiours  la  main  pour  le  relever:  et  mesme  le  tout  est  a  son  profit,  d'autant  que  c'est  son  but  qui  lui  est  propose  d'aller  a  Dieu,  et  que  son  affection  le  mene  la.  Au  contraire  il  pourra  advenir  (comme  i'ai  dit)  qu'un  homme  soit  bien  prise  qu'il  ait  des  vertus  belles,  qu'il  face  des  actes  dignes  d'estre  honorez:  mais  cependant  il  n'y  a  point  de  vraye  racine  en  lui,  ou  il  sera  un  contempteur  de  Dieu,  ou  il  sera  plein  de  cruaute  envers  ses  prochains.  Quand  donc  un  homme  sera  tel,  rien  ne  pourra  plaire  a  Dieu  de  ce  que  les  hommes  honorent.  Par  ceci  nous  pouvons  entendre  comme  il  en  a  este  de  Iob.  Iob  (comme  nous  avons  dit)  en  toute  sa  vie  avoit  este  addonne  a  bien  faire:  c'estoit  un  homme  craignant  Dieu,  un  homme  droit:  voire,  et  notamment  ceste  simplicite  de  coeur  lui  a  este  attribuee  ci  devant:  pour  monstrer  que  iamais  nostre  vie  ne  sera  bien  reglee,  iusques  a  ce  que  nous  soyons  purgez  de  toute  fiction,  et  que  nous  cheminions  comme  devant  Dieu,  et  non  point  comme  devant  les  hommes:  que  nous  ne  soyons  point  doubles,  mais  qu'il  ait  ceste  rondeur-la  de  nous  addonner  pleinement  a  Dieu.  Cela  a  este  dit  notamment  de  Iob.  Quant  a  la  cause  presente,  il  endure  patiemment  l'affliction:  mais  en  la  fin  quand  il  est  tourmente  iusques  au  bout,  il  se  despite,  il  se  fasche:  sur  tout  quand  les  hommes  le  viennent  ainsi  aiguillonner,  il  s'oublie,  et  se  desborde,  et  semble  bien  qu'il  vueille  resister  a  Dieu,  pource  qu'il  lui  eschappe  des  propos  inconsiderez.  Voila  les  fautes  de  Iob,  quand  sa  patience  n'est  pas  retenue  comme  elle  devroit,  qu'il  est  fol  en  son  parler,  voire  en  d'aucuns  mots  particuliers:  mais  tant  y  a  que  tousiours  il  tend  a  ce  but,  que  nous  avons  dit  au  commencement:  et  quoi  qu'il  en  decline  ii  ne  s'en  destourne  pas  du  tout:  mais  il  tend  la,  encores  qu'il  n'y  aille  point  du  tout  droitement,  comme  quand  un  archier  tirera,  encores  qu'il  ne  frappe  point  du  tout  au  blanc:  si  est-ce  qu'on  voit  qu'il  y  tend,  s'il  en  approche.  Ainsi  en  est-il  de  Iob.  Et  voila  pourquoi  Dieu  lui  attribue  droiture.  Ainsi  donc  apprenons  que  quand  nous  avons  une  affection  pure  et  saincte,  et  que  nous  cercherons  de  bien  faire:  combien  que  nous  soyons  infirmes,  combien  que  nous  soyons  enveloppez  de  beaucoup  de  vices,  et  qu'il  nous  advienne  de  fleschir,  de  tomber,  et  combien  que  nous  meritions  en  somme  d'estre  reprouvez  de  Dieu:  toutes  fois  il  nous  sup-