32:495  495  SECOND  SERMON  496  cles  hommes,  et  toute  1a  perfection  de  leur  vie,  est  de  suyvre  Dieu,  et  de  se  renger  a.  sa  volonte.  Il  est  vray  que  ceste  sentence,  de  prime  face  nous  semblera  par  trop  commune,  et  quasi  superflue.  Et  qui  est-ce  qui  ne  cognoit  cela?  qui  est-ce  qui  ne  le  confesse?  Quant  a  la  confession,  elle  sera  assez  ordinaire:  mais  cependant,  combien  y  en  a-il  peu  qui  soyent  persuadez  de  ce  qui  est  yci  dit?  ou  bien  si  nous  en  avons  quelque  imagination  en  nostre  teste,  ou  en  est  la  prattique?  Elle  se  trouve  en  un  bien  petit  nombre  de  gens.  Ne  pensons  point  donc  que  ce  soit  en  vain,  que  l'Esprit  de  Dieu  nous  propose  ceste  regle-cy,  c'est  d'amender  nostre  vie  selon  sa  Parole,  et  de  cognoistre  que  sans  cela,  tout  n'est  qu'ordure,  tout  n'est  que  puantise,  que  nous  sommes  esgarez,  nous  ne  tenons  nul  chemin  que  ce  soit,  voire  combien  qu'il  nous  semble  le  contraire.  Mais  il  faut  regarder,  pourquoy  il  est  parle  yci  notamment  d'un  ieune  homme.  Car  il  est  certain  que  Dieu  a  donne  sa  Loy  pour  les  grans  et  pour  les  petis,  pour  les  vieux  et  pour  les  ieunes:  que  quand  nous  commencerons  a  estre  la  enseignez  des  nostre  premiere  enfance,  qu'il  nous  y  faut  continuer  iusqu'a,  la  fosse.  Pourquoy  donc  est-ce  que  David  restreint  ceste  doctrine  de  la  Loy  aux  ieunes  gens?  Or  ce  n'est  pas  qu'elle  ne  compete  aussi  bien  aux  vieux:  mais  ii  y  a  double  raison  pourquoy  il  a  parle  ainsi.  Nous  scavons  quels  sont  les  bouillons  de  ieunesse,  qu'il  y  a  telle  ardeur  aux  hommes,  qu'il  semble  qu'on  ne  les  puisse  aucunement  tenir.  D'autant  qu'il  y  a  grande  difficulte,  pour  reprimer  les  affections  qui  sont  ainsi  bouillantes  et  excessives  aux  ieunes  gens:  David  notamment  monstre,  que  la  Parole  de  Dieu  neantmoins  y  servira  de  bon  remede.  Comme  s'il  disoit,  II  est  vray  que  les  ieunes  gens  s'esgarent,  voire  comme  des  bestes  qu'on  ne  peut  donter,  qu'ils  auront  des  ardeurs  si  grandes  qu'on  n'en  peut  venir  a  bout,  on  ne  les  peut  tenir  en  bride,  quand  on  les  pense  bien  tenir,  c'est  alors  qu'ils  eschappent:  mais  s'ils  avoyent  cest  advis-la,  de  se  regler  selon  Dien,  il  est  certain  qu'ils  seroyent  bien  dontez.  Et  combien  que  leurs  passions  se  desbordent,  si  est  ce  neantmoins  qu'on  y  verroit  uue  modestie,  on  y  verroit  une  facon  paisible  et  debonnaire.  Le  mal  donc  est  que  les  ieunes  gens  ne  se  veulent  point  rendre  subiets  a  Dieu  :  car  ils  trouveroyent  un  bon  moyen  en  sa  parole,  et  suffisant  pour  remedier  a  tous  leurs  vices.  Et  cela  tend  a  monstrer  quelle  vertu  il  y  a  en  la  parole  de  Dieu,  a  reprimer  les  passions  les  plus  excessives  qui  puissent  estre  aux  hommes.  Voyla  quant  a  un  Item.  La  seconde  raison  est,  que  Dieu  a  voulu  monstrer  sur  tout  aux  ieunes  gens  qu'ils  ont  mestier  d'estre  tenus  courts:  autrement  qu'ils  seront  desbordez  tant  et  plus  a  mal,  car  leur  nature  y  est