55:494  pultum  esse,  hoc  est,  certo  Dei  consilio  occultum  fuisse  eius  sepulcrum.  Absconditi  autem  sepulcri  causa  nemini  obscura  est:  ne  scilicet  corpus  eius  in  superstitionis  materiam  abducerent  Iudaei.  Quid  ergo  mirum  si  prophetae  corpus  divinitus  absconditum,  Satan  in  medium  proferre  conatus  est?  Angeli  autem  contra  obstiterunt,  sicuti  eorum  ministerium  semper  Deo  promptum  est.  Et  certe  videmus  Satanam  omnibus  fere  saeculis  hanc  lapidem  movisse,  ut  corpora  servorum  Dei  totidem  stultis  hominibus  idola  essent.  Quare  ob  hoc  testimonium,  quamvis  in  scriptura  non  reperiatur,  suspecta  nobis  esse  haec  epistola  non  debet.  Quod  Michael  adversus  Satanam  disceptans  solus  inducitur,  novum  non  est.  Scimus  angelorum  myriadas  praesto  semper  esse  ad  Dei  obsequium:  sed  ipse  ad  res  gerendas  hunc  vel  illum  cum  delectu  adhibet,  prout  placuit.  Quod  a  Michaele  dictum  refert  Iudas,  apud  Zachariam  (3,  2)  quoque  habetur,  Increpet  te  Deus  :  vel,  Compescat  Satan.  Est  autem  comparatio  maioris  et  minoris,  ut  vocant.  Non  ausus  est  Michael  atrocius  maledicere  Satanae  (qui  tamen  reprobus  est  ac  damnatus)  quam  ut  illum  Deo  cohibendum  traderet:  isti  autem  potestates,  quas  singulari  honore  ornat  Deus,  extremis  probris  incessere  non  dubitant.  10.  Quaecunque  non  noverunt.  Significat  eos  nihil  nisi  crassum  et  quasi  pecuarium  sapere,  ideoque  non  percipere  quid  honore  dignum  sit:  tamen  accedere  hanc  insanam  audaciam,  ut  damnare  non  vereantur  quae  captum  eorum  superant.  Item  diverso  vitio  laborare,  quod  quum  pecudum  more  ad  ea  ferantur  quae  sensibus  corporis  se  ingerunt,  in  illis  nihil  servent  modestiae:  sed  se  penitus  ingurgitent,  non  secus  ac  porcus  in  luti  foetorem  se  provolvit.  Adverbium  n  a  t  u  r  a  l  i  t  e  r  ,  rationi  et  iudicio  opponitur.  Solus  enim  naturae  impetus  in  brutis  animalibus  regnat:  ratio  autem  hominibus  moderari  debet,  et  eorum  appetitus  fraenare.  11.  Vae  illis  j  quoniam  viam  Cain  ingressi  sunt:  et  deceptione  mercedis  Balaam  effusi  sunt:  et  contradictione  Core  perierunt.  12.  Hi  sunt  in  fraternis  vestris  conviviis  maculae,  inter  se  convivantes,  secure  pascentes  se  ipsos  :  nubes  aqua  carentes,  quae  a  ventis  circumaguntur:  arbores  autumni  emarcidae,  infrugiferae,  bis  emortuae,  et  eradicatae  :  13.  undae  efferatae  maris,  despumantes  sua  ipsorum  dedecora:  stellae  erraticae,  quibus  caligo  tenebrarum  in  aeternum  servata  est.  l  l  .  Vae  illis,  ete.  Mirum  est  cur  eos  tam  dure  insectetur,  quum  ne  adversus  Satanam  quidem  contumeliae  iudicium  angelo  permissum  fuisse  nuper  dixerit.  Sed  noluit  generalem  regulam  praefigere:  tantum  Michaelis  exemplo  breviter  ostendit  quam  intolerabilis  sit  istorum  furor,  dum  petulanter  con-