32:494  faire,  et  qu'il  a  promis  qu'il  nous  gouvernera  en  nous  supportant,  iusqu'a  ce  qu'il  nous  ait  despouillez  de  toutes  les  imperfections  de  nostre  chair.  Suyvant  ceste  saincte  doctrine,  nous-nous  prosternerons  devant  la  face  de  nostre  bon  Dieu,  en  cognoissance  de  nos  fautes:  le  prians  qu'il  luy  plaise  nous  faire  sentir  quel  plaisir  c'est,  quand  ii  nous  communique  privement  sa  Parole,  et  qu'il  nous  instruit  par  icelle  non  seulement  pour  scavoir  discerner  entre  le  bien  et  le  mai  :  mais  pour  estre  certains  et  asseurez  de  son  amour,  et  de  sa  bonne  volonte  envers  nous.  Afin  que  vivans  sous  sa  charge  et  sous  sa  conduite,  nous  ayons  nostre  refuge  a  luy,  afin  qu'au  milieu  des  miseres  et  povretez  de  ce  monde,  nous  ne  laissions  pas  d'estre  bien  heureux,  d'autant  que  nous  tendons  a  la  vie  celeste,  et  a  ceste  gloire  immortelle,  comme  elle  nous  a  este  une  fois  acquise  par  nostre  seigneur  Iesus  Christ  son  Fils.  Et  que  quand  il  nous  aura  une  fois  introduits  au  droit  chemin,  qu'il  nous  y  entretienne  de  plus  en  plus,  iusqu'a  ce  qu'il  nous  ait  retirez  en  son  royaume  celeste.  Que  non  seulement,  etc.  SECOND  SERMON.  Du  Dimanche  15.  iour  de  Ianvier,  1553.  S  e  c  o  n  d  h  u  i  c  t  a  i  n  .  BETH.  En  quoy  Vadolescent  rendra  il  sa  voye  nette?  en  y  prenant  garde  selon  ta  Parole.  Ie  fay  cerche  de  tout  mon  coeur,  ne  me  laisse  point  forvoyer  de  tes  commandemens.  Tay  cache  ta  Parole  en  mon  coeur,  afin  que  ie  ne  peche  contre  toy.  Seigneur,  tu  es  beneit,  enseigne  moy  tes  statuts.  Fay  raconte  de  mes  levres  tous  les  iugemens  de  ta  bouche.  Ie  me  suis  delecte  en  la  voye  de  tes  tesmoignages,  autant  qu*en  toutes  richesses.  Ie  medite  en  tes  commandemens,  et  considereray  tes  sentiers.  Ie  pren  mon  plaisir  en  tes  statuts,  et  n'oublieray  point  ta  Parole.  Dimanche  passe  nous  deciarasmes  en  somme  l'argument  du  Pseaume,  quel  en  est  l'usage,  et  quelle  instruction  nous  en  pouvons  recueillir:  c'est  ascavoir  que  l'homme  fidele  est  yci  enseigne  de  s'inciter  de  lire  la  Parole  de  Dieu  avec  plus  grande  affection,  et  de  s'y  confermer.  David  a  fait  cela,  lequel  estoit  excellent  par  dessus  les  autres:  combien  plus  donc  le  devons-nous  faire?  Nous,  dy-ie,  qui  sommes  encores  si  rudes,  et  qui  sommes  bien  loin  d'avoir  tant  profite  en  l'escole  de  Dieu  comme  luy.  Or  d'autant  que  les  hommes  sont  froids,  et  qu'ils  ont  besoin  d'estre  picquez  comme  des  asnes  :  voyla  pourquoy  David  monstre  yci  quelle  est  l'utilite  et  le  profit  que  nous  recevons  de  ceste  estude  continuelle,  si  chacun  de  nous  s'applique  a��  voir  et  ouyr  ce  que  Dieu  nous  monstre  en  sa  Loy,  et  en  toute  l'Escriture  saincte.  Comme  maintenant  il  dit,  En  quoy  l'homme  ieune  rendra-il  sa  voye  nette  pour  garder,  ou  pour  estre  sur  ses  gardes,  selon  ta  Parole.  Il  monstre  yci,  que  si  nous  avons  affection  d'ordonner  nostre  vie  comme  il  appartient,  a  ce  qu'elie  soit  bien  reglee,  qu'elle  soit  pure  et  simple,  qu'il  faut  que  nous  tenions  le  chemin  que  Dieu  nous  a  declaire.  Il  ne  faut  point  que  chacun  s'attende  a  son  sens  propre,  qu'un  chacun  se  forge  et  bastisse  ce  que  bon  luy  semblera  :  mais  que  Dieu  domine  sur  nous,  et  que  simplement  nous  luy  obeissions.  Brief,  David  signifie  que  toute  la  Sagesse