25:494  26.  Et  fecit  eis  ita,  liberavitque  eos  de  manu  filiorum  Israel,  nec  interfecerunt  eos.  27.  Constituitque  eos  Iosue  eo  die  caesores  lignorum,  et  haustores  aquae  congregationi,  et  altari  Iehovae  usque  in  hunc  diem  in  loco  quem  elegerit  16.  Post  tres  autem  dies.  Quod  triduo  post  errore  deprehenso  castigata  fuit  eorum  levitas,  ea  poenae  celeritas  plus  infamiae  et  pudoris  incutere  debuit.  Sic  enim  cognitum  fuit,  eos  per  ignaviam  et  socordiam  plus  quam  turpiter  fuisse  lapsos,  quia  de  re  propemodum  ante  oculos  exposita  inquirere  non  sustinuerint.  Quod  pacatum  est  illis  iter  in  ea  regione,  secure  urbes  ingrediuntur,  liberum  reperiunt  commeatum,  id  fit  paterna  Dei  indulgentia,  qui  non  solum  ignoscit  eorum  delicto,  sed  in  bonum  vertit  quod  merito  damnosum  illis  fuisset.  Hic  vero  narratur,  non  saevisse  filios  Israel  hostiliter  in  illa  regione:  quia  Gibeonitis  promissa  iureiurando  interposito  fuerat  incolumitas.  Nunc  primo  quaeritur,  an  ulla  religio  tenuerit  filios  Israel,  quibus  nihil  minus  in  animo  fuerat,  quam  fidem  suam  impostoribus  obstringere.  Suboritur  deinde  alia  quaestio,  an  non  fuerit  in  arbitrio  populi,  quod  stulte  et  perperam  duces  promiserant,  rescindere.  Quantum  ad  thesin  spectat,  iurisiurandi  religio  eousque  sancta  apud  nos  esse  debet,  ne  erroris  praetextu  a  pactis  discedamus  etiam  in  quibus  fuimus  decepti:  quando  sacrum  Dei  nomen  totius  mundi  opibus  pretiosius  est.  Quamvis  itaque  parum  considerate  iuraverit  quispiam,  nulla  iactura  vel  dispendium  fidem  eius  solvet.  Nec  dubito  quin  hoc  sensu  dicat  David  (Ps.  15,  4),  veros  Dei  cultores  si  iuraverint  in  malum,  non  mutare:  quia  damnum  perferent  potius,  quam  promissa  retractando  contemptui  exponant  Dei  nomen.  Statuo  igitur,  si  sola  in  rationem  veniat  privata  utilitas:  quidquid  iurando  promiserimus  praestandum  est.  Atque  ex  verbis  apparet,  veritos  fuisse  Israelitas  ne  Dei  sui  nomen  infamiae  subiicerent  apud  gentes  Chanaan.  Emphatice  enim  positum  interpretor:  quia  iuraverant  per  Deum  Israel.  Verum  peculiaris  ratio  liberum  fecit  Israelitis  dolosae  pactioni  non  stare:  quia  non  tantum  suo  iure  cesserant  :  sed  perperam  deciderant  ex  Dei  mandato  :  quod  vel  in  minimo  apice  attingere  fas  non  erat.  Penes  ipsos  non  erat,  aut  victis  parcere,  aut  ferre  deditionis  leges.  Nunc  tanquam  de  negotio  sibi  permisso  transigunt.  Videmus  itaque  ut  nomen  Dei  bis  profanaverint,  dum  praetextu  iuramenti  pertinaciter  defendunt  quod  stulte  promiserant.  Quod  autem  tantum  defert  vulgus  suis  ducibus,  ut  manus  abstineat  a  Gibeonitis,  in  eo  se  prodit  saeculi  integritas.  Promptum  enim  alioqui  fuisset  eludere,  paucorum  hominum  placito  non  teneri  totum  populum:  sicuti  olim  a  Romanis  pax  Caudina  repudiata  fuit,  in