9:493  493  CHRISTI  IN  COENA.  494  dit  carnem  eius  et  sanguinem  nobis  esse  in  cibum  et  potum,  ut  spiritualem  vitam  carni  nostrae  et  sanguini  infundant.  Sed  melius  solvi  tota  quaestio  non  potest  quam  ex  verborum  contextu.  Eadem  enim  non  alia  communicatio  carnis  Christi  illic  asseritur  in  coena,  quam  spiritualis,  quae  et  perpetua  est,  et  nobis  constat  extra  coenae  usum.  Non  vult  Heshusius  Christi  corpus  nisi  in  coena  corporaliter  et  intra  nos  percipi.  Nihil  minus  tolerabile  esse  existimat,  quam  fideles  substantialiter  Christo  esse  coniunctos.  Toto  enim  libro  in  hoc  capite  insistit,  spiritualem  manducationem  non  nisi  fidem  esse,  et  coenam  fore  inane  spectaculum,  nisi  accedat  esus  corporalis,  ad  momentum  illud  duntaxat  quo  panis  in  os  ingeritur.  Centies  hoc  in  libello  eius  repetitur.  Quid  autem  Irenaeus?  Certe  vident  omnes  non  aliud  eum  sentire  vel  loqui  de  communicatione  qua  fruimur  in  coena,  quam  de  qua  loquitur  Paulus,  quum  dicit  fideles  tam  in  vita  quam  in  morte  esse  membra  Christi  de  carne  eius  et  de  ossibus  eius  (Ephes.  5,  30).  Crassius  loquendum  est,  ut  hunc  stipitem  moveam.  Probare  vult  ex  verbis  Irenaei,  non  tantum  spirituali  modo,  sed  corporaliter  ore  percipi  Christi  corpus,  et  haereticos  esse,  qui  spiritualem  tantum  manducationem  agnoscunt,  de  qua  concionatur  Christus  6  capite  Ioannis,  et  de  qua  Paulus  5  ad  Ephesios  capite  disserit:  quia  a  pane  corporalem  esum  seiungere  nefas  sit.  Quid  Irenaeus  [pag.  54]  respondet?  Nos  scilicet  pane  et  vino  in  sacra  coena  ali,  sicuti  Paulus  testatur  nos  esse  Christi  membra.  Evanuit  igitur  illa  distinctio  inter  corporeum  et  spiritualem  esum,  in  qua  verti  totius  quaestionis  cardinem  toties  iactavit  et  gloriatus  est.  Cui  persuadeat  haec  esse  sophismata:  quando  Irenaeus  eodem  in  gradu,  et  eadem  in  qualitate  haec  duo  statuit:  Hoc  est  corpus  meum,  et:  Nos  sumus  membra  Christi:  quae  duo  nisi  separentur,  totam  pietatem  everti,  et  Deum  abnegari  clamat  hic  noster  censor?  Imo  palam  asserit  Epicureos  esse,  qui  putant  nihil  amplius  in  coena  conferri,  quam  ut  in  unum  corpus  coalescamus  cum  Christo.  Nec  vero  nos  quidquam  laedit  quod  uno  consensu  tradunt  ille  et  Tertullianus,  et  Hilarius,  carnem  nostram  ali  carne  Christi  in  spem  vitae  aeternae:  quia  modum  non  definiunt  qualem  comminiscitur  Heshusius.  Quin  potius  dum  et  ad  perpetuam,  quae  nobis  cum  Christo  est,  coniunctionem  id  referunt,  et  docent  esse  fidei  effectum,  nulla  ambiguitas  relinquitur:  quando  secundum  Heshusium  corporalis  manducatio  ad  coenam  restringitur  et  a  spirituali  distat  non  minus  quam  terra  a  coelo.  Ita  Hilarius  lib.  8  de  Trinitate:  ')  De  veritate  carnis  et  sangui-  1)  Vide  laudati  libri  cap.  14  seqq.