8:493  493  MICHAELIS  SERVETI.  494  Abrahae.  Quin  etiam  altera  concione  idem  confirmat,  dum  Iudaeos  nominat  filios  prophetarum  et  testamenti.  Vides,  opinor,  te  nequaquam  tuis  suffugiis  elapsum  esse.  Quod  per  filios  intelligis  posteros,  ne  unius  tantum  saeculi  hominibus  destinata  videretur  gratia,  facile  recipio.  Atque  id  mecum  facit,  quod  Deus  semini  Abrahae  se  deum  esse  declaret  in  mille  generationes.  Sed  aetatem  requiris,  quae  capax  sit  regenerationis  manifestae.  Eam  ego  nego  uspiam  a  Domino  praescribi,  [pag.  54]  Deinde  habeo  clarum  Domini  mandatum,  quo  pueros  ad  circumcisionem  admittit.  Tibi  circumcisio  signum  est  carnale.  Ego  Paulo  adhibeo  plus  fidei,  qui  pronunciat  esse  iustitiae  fidei  sigillum.  Quanquam  exstant  apud  Moysen  et  prophetas  testimonia,  quae  spiritualem  eius  significationem  et  vim  declarant.  Quod  Pauli  verbis  innixus  contendis  eos  demum  Abrahae  filios  esse  qui  per  fidem  fiant:  mirum  est  abs  te  non  considerari  discrimen  inter  parvulos  et  adultos.  Nam  sicuti  iu  adultis  l)  fidem  exigit  Paulus,  ut  eos  agnoscat  filios  Abrahae,  ita  vicissim  pronunciat,  sanctos  patres  esse  radicem  sanctam:  et  primitiis  comparat,  quae  totum  proventum  sanctificant  (Rom.  11,  16).  Qua  ratione  sanctos  etiam  esse  docet,  qui  ex  patre  aut  matre  fideli  gignuntur  (1.  Cor.  7,  14).  Nos  quoque  docemus  natura  esse  filios  irae,  quicunque  ex  Adam  descendunt:  sed  docemus  rursum  superveniente  Dei  gratia  aboleri  maledictionem  quae  in  natura  haeret.  Nunc  mihi  ostende,  si  potes,  me  loqui  pugnantia.  Si  tua  vox  pro  oraculo  nobis  est,  credemus  figmentum  esse  papisticum,  quod  in  alterius  fide  alter  baptizetur.  Sed  quia  prohibet  Dei  institutio  ne  tibi  credam,  secure  contemno  quod  pronuncias.  Nam  diruta  maceria  (quemadmodum  iam  citavi  ex  Paulo  [Eph.  2,  14])  foedus  vitae  aeternae  nobis  commune  est  cum  Iudaeis.  Hoc  foedus  obsignatur  baptismo.  Porro  ad  quos  destinantur  verba?2)  Nempe  ad  omnes  pios,  ut  se  cum  progenie  sua  sciant  a  Domino  cooptari.  Res  est  tibi  de  solo  titulo,  3)  quod  in  parvulis  adoptionem  obsignari  trado  per  baptismum.  Tu  quidem  ita  loqueris:  sed  quis  tibi  sanus  credet?  Excipies  te  addere  [pag.  55J  probationem:  quia  scribit  Paulus  iustificatos  esse  qui  per  baptismum  sunt  Christo  commortui.  Condono  tibi  quod  plus  sumis  quam  exstet  apud  Paulum.  Solutio  mea  est,  quod  inepte  facis,  ac  importune,  qui  ad  parvulos  detorques  quod  de  adultis  praedicat  apostolus:  Qui  non  laborat,  non  manducet  (2.  Thess.  3,  10).  Ergo  fame  pereant  infantes  qui  adhuc  sugunt  matris  ubera?  1)  en  ceux  qui  sont  entendus.  2)  les  parolles  sur  lesquelles  la  foy  est  fondee.  3)  Tu  dis  que  ce  n'est  qu'une  imagination  frivole.