7:493  493  CUM  ANTIDOTO.  494  merito  dicimus,  externis  signis  inter  se  differre,  in  illjs  autem  rebus,  quas  commemoravi,  vel  summatim  in  re  ipsa  convenire.  Sunt  enim  doctrinae  appendices.  Atqui  doctrinae  eadem  substantia.  Sequitur  ergo,  id  quoque  in  sacramenta  competere.  Forte  non  intelligerent  lectores,  quorsum  hoc  fulmen  iaculentur  patres  Tridentini,  nisi  breviter  eos  admoneam.  Vulgare  est  apud  sophistas  ')  dogma:  sacramenta  legis  mosaicae  figurasse  gratiam,  nostra  vero  exhibere.  Nos  autem  Deum  asserimus  semper  in  suis  promissis  fuisse  veracem  (Rom.  3,  1):  nec  quidquam  figurasse  ab  initio,  quod  non  patribus  re  ipsa  exhibuerit:  nam  sub  Moyse  constabat  circumcisionis  veritas.  Et  tunc  eandem  fuisse  escam  spiritualem,  qua  participabant,  eundemque  potum  spiritualem,  testis  est  Paulus  (1  Cor.  10,  3).  Quid  habent  quod  respondeant,  nisi  aliter  in  scholis  tradi?  Paucis  verbis  attingo,  quae  ex  scriptis  nostris  fuse  discent  lectores,  si  volent.  Summa  haec  sit:  ex  Dei  verbo,  non  Romanensium  placitis,  discendum  esse,  quid  vel  discriminis,  vel  similitudinis  inter  se  habeant  sacramenta.  Neque  tamen  interea  negamus,  quin  uberior  sub  Christi  [pag.  2671  regno  percipiatur  gratia.  Atque  ideo  solemus  duplicem  notare  differentiam:  quod  sacramenta  nostra  non  procul  Christum,  tanquam  absentem,  indicent,  sed  quasi  digito  ostendant  exhibitum.  Deinde  quod  pro  ampliore  revelationis  modo  sit  etiam  gratiae  communicatio  uberior.  In  III.  Quis  non  malit  Neptunium  sustinere  fulmen,  quam  aequare  Christi  institutis  hominum  inventa?  Baptismum  legimus  a  Christo  commendatum  :  similiter  et  sacram  coenam.  De  aliis,  nihil  tale.  Imo  multis  post  saeculis  fuisse  incognitum,  quod  isti  tradunt.  Atqui  obscurum  non  est,  quorsum  spectet,  ac  quidnam  valeat  illa  Christi  interrogatio:  Baptismus  Ioannis  estne  ex  coelo,  an  ab  hominibus  (Matth.  21,  25)?  Significat  enim,  non  aliter  fore  legitimum,  nisi  a  Deo  sit  profectus.  Proinde  tuto  constituamus,  autore  Christo,  nihil  esse  periculi,  si  repudiemus  quaecunque  a  sola  hominum  autoritate  fluxerunt.  Parem  tamen  omnibus  dignitatem  arrogare  non  contenti,  confirmationis  suae  chrisma  praeferunt  Christi  baptismo.  Nam  quod  aliud  alio  faciunt  dignius,  non  ideo  est,  quod  velint  ad  inferiorem  gradum  deducere,  quae  ex  scriptura  non  habent  testimonium:  sed  illas  exsecrandas  blasphemias  renovant,  quas  prius  evomuit  concilium  Aurelianense:  [pag.  268]  Baptismo  fieri  nos  duntaxat  semichristianos,  confirmatione  perfici:  et  quae  in  eundem  sensum  illic  habentur.  1)  Les  Sorboniques.