6:493  REFORMANDAE  ECCLESIAE.  eligant  ad  ecclesiam  gubernandam,  aliamque  rationem  teneant,  necesse  est:  aut  conqueri  desinant,  iure,  quod  sibi  competebat,  se  fuisse  perperam  et  iniuria  spoliatos.  Aut  si  malunt  apertius:  alia  ratione  perveniant  ad  episcopatum,  quam  pervenerint:  alio  more  et  ritu  ordinentur:  munus  suum  plebem  pascendo  [pag.  67]  impleant,  si  pro  episcopis  agnosci  volunt.  Ut  potestatem  nominandi  et  ordinandi  retineant,  iustum  illud  et  serium  doctrinae  vitaeque  examen  restituant:  quod  iam  multis  sacculis  inter  eos  obsolevit.  Quanquam  haec  una  ratio  instar  mille  habenda:  quod  omnem  in  ecclesia  autoritatem  perdidit,  quicunque  se  sanae  doctrinae  hostem  esse  re  ipsa  ostendit,  qualicunque  interea  titulo  se  venditet.  Scitur,  quid  de  haereticis  praecipiant  veteres  synodi:  quam  illis  potestatem  relinquant.  Nominatim  certe  vetant,  ne  quisquam  ab  illis  ordinationem  petat.  Hoc  ergo  ius  tueri  nemo  potest,  nisi  qui  doctrinae  puritate  ecclesiae  unitatem  conservat.  Dicimus  eos,  qui  episcoporum  nomine  hodie  praesident  ecclesiis,  adeo  non  esse  fidos  piae  doctrinae  custodes  ac  ministros,  ut  acerrimi  sint  potius  illius  hostes.  Dicimus  hoc  unum  eos  moliri,  ut  Christo  cum  evangelii  sui  veritate  exstincto  idololatriam,  impietatem,  pessimos  et  exitiales  errores  confirment.  Dicimus  eos  non  verbis  modo  pertinaciter  veram  pietatis  doctrinam  impugnare,  sed  furiose  saevire  in  eos  omnes,  qui  eam  ex  tenebris  eruere  cupiunt.  Adversus  tot,  quibus  renituntur,  impedimenta  studemus  operam  nostram  ecclesiae  impendere.  Ob  hanc  causam  nobiscum  expostulant,  quod  illicitis  modis  in  eorum  possessionem  irruamus.  Quod  ad  formam  aut  caeremoniam  attinet:  digna  res  scilicet,  de  qua  nobis  sint  molesti.  Quia  sacerdotum  apud  nos  manus  non  unguntur,  quia  non  [pag.  68]  flamus  in  eorum  faciem,  quia  alba  eos  et  reliquo  eius  generis  ornatu  non  induimus  :l)  ordinationem  rite  a  nobis  fieri  non  credunt*.  Atqui  nullam  olim  caeremoniam  praeter  manuum  impositionem,  in  usu  fuisse  legimus.  Recentia  sunt  ista,  nec  aliunde  quidquam  habent  commendationis,  nisi  quod  nunc  vulgo  tanta  religione  observantur.  Sed  quid  hoc  ad  rem?  Nam  in  rebus  tantis  maior  quam  hominum  autoritas  quaeritur.  Proinde  quae  ab  hominibus  inventa  sunt,  absque  religione,  quoties  ita  postulat  temporum  conditio,  mutare  licet:  quae  vero  non  ita  pridem  exstiterunt,  multo  minus  habent  momenti.  Calicem  praeterea  et  patenam  in  manum  porrigunt  suis,  quos  creant,  sacerdotibus.  Quorsum?  Ut  eos  ad  sacrificandum  inaugurent.  Sed  quo  mandato?  Neque  enim  aut  apostolis  unquam  hanc  functionem  Christus  iniunxit,  aut  ab  1)  Et  que  nous  ne  les  vestons  point  d'aubes  et  de  chesubles  et  de  tel  bagage.  G.