55:493  493  EPIST.  IUDAE  494  inferre  contumeliae:  sed  dixit:  Increpet  te  Dominus.  10.  Isti  vero  quaecunque  non  noverunt,  convitiis  incessunt:  quaecunque  vero  naturaliter  tanquam  bruta  animalia  sciunt,  in  iis  corrumpuntur.  8.  Similiter  isti,  ete.  Similitudo  ista  praecise  urgenda  non  est,  ac  si  in  omnibus  eos,  quorum  meminit,  Sodomitis  conferret,  vel  angelis  apostatis,  vel  incredulo  populo.  Tantum  indicat  esse  vasa  irae  ad  interitum  destinata,  nec  posse  Dei  manum  effugere  quin  aliquando  in  ipsis  quoque  tale  documentum  statuat.  Consilium  enim  eius  est,  absterrere  pios  quibus  scribit,  ne  illorum  consortio  se  involvant.  Porro  hoc  loco  incipit  illos  impostores  clarius  describere.  Ao  primum  dicit  eos  velut  somniando  polluere  carnem  suam.  Quibus  verbis  stupidam  impudentiam  notat:  ac  si  diceret  proiectos  esse  ad  omnem  foeditatem,  a  qua  nequissimi  etiam  abhorrent,  nisi  somnus  pudorem  adeoque  sensum  tollat.  Est  igitur  metaphorica  loquutio  qua  significat  ipsos  tam  esse  hebetes,  ut  sine  ulla  verecundia  ad  omnem  turpitudinem  se  prostituant.  Notanda  autem  est  antithesis,  quum  dicit  eos  carnem  c  o  n  t  a  m  i  n  a  r  e  :  hoc  est,  quod  minus  praestantiae  habet,  dehonestare:  et  tamen  spernere  quasi  probrosum,  quod  in  genere  humano  maxime  excellit.  Ex  hoc  secundo  membro  apparet,  fuisse  tumultuosos  homines  qui  anarchiam  quaererent,  ut  soluti  legum  metu,  liberius  peccarent.  Atque  haec  duo  semper  fere  coniuncta  sunt:  ut  qui  proiecti  sunt  ad  nequitiam,  simul  omnem  ordinem  abolitum  esse  cupiant.  Porro  tametsi  hic  erat  eorum  scopus,  absque  iugo  exsultare:  apparet  tamen  ex  Iudae  verbis,  proterve  eos  et  contumeliose  de  magistratibus  loqui  solitos.  Quemadmodum  hodie  fanatici  homines  non  tantum  fremunt  se  cohiberi  magistratuum  imperio,  sed  furiose  adversus  omnem  politiam  declamitant:  ius  gladii  profanum  esse  dicunt  et  pietati  adversum  :  denique  ex  ecclesia  Dei  reges  et  omnes  magistratus  superciliose  abdicant.  G  l  o  r  i  a  s  vocat  ordines  excellentia  praeditos,  et  qui  honore  supereminent.  9.  Atqui  Michael  archangelus.  Brevius  hoc  argumentum  Petrus  et  in  genere  perstringit,  quod  angeli  qui  longe  praestant  hominibus,  non  tamen  audeant  contumeliosum  iudicium  inferre.  Porro  quia  hanc  historiam  ex  libro  apocrypho  sumptam  putarunt,  inde  factum  est  ut  minus  ponderis  haberet  epistola.  Sed  quum  Iudaei  tum  multa  habuerint  ex  patrum  traditionibus,  nihil  absurdi  esse  video  si  dicamus  Iudam  retulisse  quod  iam  a  multis  sacculis  fuerat  per  manus  traditum.  Scio  equidem  multas  ineptias  hoc  titulo  receptas  fuisse:  quemadmodum  hodie  papistae  quaelibet  insulsa  monachorum  deliria  in  hoc  catalogo  recensent  :  sed  hoc  non  obstat  quin  historias  quasdam  habuerint  scriptis  non  proditas.  Hoc  extra  controversiam  est,  Mosem  a  Domino  se-