39:493  493  IN  IEREMIAM.  CAP.  LI.  494  auditur  magnus  strepitus.  Solitudo  autem  et  vastitas  affert  silentium.  Sic  ergo  resolvunt  prophetae  verba,  quamvis  resonent  nunc  fluctus,  id  est,  clamores  in  Babylone  tanquam  aquae  magnae,  et  sonitus  vocis  eorum  edatur:  Deus  tamen  perdet  vocem  magnam,  id  est,  magnificam.  Nec  vero  mihi  dubium  est  quin  propheta  per  vocem  magnam  intelligat  magniloquas  illas  iactantias,  quibus  se  efferre  solebant  Babylonii  in  rebus  prosperis.  Quum  ergo  floreret  illa  monarchia,  quasi  e  sublimi  loqui  poterant.  Silentium  ergo  ex  metu  et  pudore  indicit  propheta,  ubi  compescet  Deus  illam  magniloquentiam.  Sed  quod  sequitur  aliter  accipio  :  potius  enim  refero  ad  Medos  et  Persas:  et  ita  est  relativum  sine  antecedente,  sicuti  haec  forma  loquendi  satis  trita  est  Hebraeis.  Modum  ergo  exprimit,  quo  Deus  perdet,  vel  abolebit,  magniloquas  iactantias  Babylonis,  nempe  quia  resonabant  fluctus  eorum,  nempe  Persarum,  tanquam  aquae  magnae,  hoc  est  erumpent  Persae  et  Medi  tanquam  impetuosi  fluctus:  ita  fiet  ut  quiescant  Babylonii  quasi  redacti  in  solitudinem.  Quum  pacati  essent,  et  nemo  hostis  illis  esset  molestus,  tunc  poterant  plenis  buccis  superbiam  suam  evomere.  Magnificus  ergo  fuit  sermo  Babylonis  quantisper  floruit:  sed  ubi  subito  irrupit  hostium  impetus,  tunc  Babylon  obticuit,  vel  obmutuit  prae  illo  horribili  sonitu.  Videmus  ergo  cur  Persas  et  Medos  comparet  undis  violentis,  quae  frangent  et  abolebunt  illum  sonitum,  qui  auditus  fuerat  in  Babylone.  Sequitur,  56.  Quia  venit  super  eam,  super  Babylonem  vastator:  et  deprehensus  est  fortis  eius  (deprehensi  sunt,  vel  capti  fortes  eius),  confractus  est  arcus  eorum:  quia  Deus  retributionum,  Iehovah  reddendo  reddet.  Confirmat  proximam  sententiam.  Quia  enim  res  de  qua  disserit,  creditu  erat  difficilis,  ideo  Deum  proposuit,  et  ostendit  ipsum  esse  autorem  eius  belli.  Nunc  continuat  suum  sermonem,  quod  scilicet  venient  contra  Babylonem  vastatores.  Deo  tribuerat  quod  nunc  transfert  ad  Medos  et  Persas.  Dixerat,  nw>  TW:  nunc  dicit,  venit  TW.  Quisnam  est  ille?  non  Deus,  sed  Cyrus  una  cum  exercitu  illo  duplici  Persarum  et  Medorum,  imo  cum  ingentibus  copiis,  quas  confecerat  ex  multis  gentibus.  Quod  autem  nomen  unum  commune  est  Deo  et  Persis,  hoc  fit  respectu  ministerii.  Proprie  loquendo  Deus  vastator  fuit  Babylonis,  sed  quia  ad  hanc  expeditionem  usus  est  hominum  opera,  et  adhibuit  Persas  et  Medos  tanquam  ministros  et  exsequutores  sui  iudicii:  ideo  transfertur  nomen  illud,  quod  proprie  in  Deum  competit,  ad  ipsos  ministros,  quibus  usus  est.  Eadem  etiam  est  ratio  ubi  de  beneficiis  eius  agitur.  Dicitur  excitasse  servatores  populo  suo:  tamen  ipse  unus  est  servator,  nec  potest  quisquam  mortalium