37:493  493  IN  IEREMIAM.  CAP.  I.  494  spiritus  tui,  ut  eius  doctrina  hodie  nos  humiliet,  ac  discamus  nos  ultro  tibi  subiicere,  et  ita  suscipere  atque  etiam  amplecti  quod  nobis  per  servum  tuum  proponis  ut  nos  attollas  manu  tua:  et  ita  virtute  tua  et  praesidio  freti  pugnemus  contra  mundum  et  contra  Satanam,  interea  quisque  nostrum  pro  sua  vocatione  sic  in  virtutem  tuam  recumbat  ut  non  dubitemus  vitam  nostram  periculis  obiicere  quoties  opus  fuerit:  et  pugnemus  viriliter,  perstemus  etiam  usque  ad  finem  in  hac  militia,  donec  perfuncti  cursu  nostro  tandem  perveniamus  ad  beatam  illam  quietem  quae  nobis  reposita  est  in  coelo,  per  Christum  dominum  nostrum,  Amen.  18.  Et  ego,  ecce  posui  te  hodie  in  urbem  munitionis  (vel  munitam),  in  columnam  (vel  fulturam)  ferream,  et  in  murum  aeneum  super  totam  terram  contra  reges  Iehudah,  contra  principes  eius,  contra  sacerdotes  eius,  contra  populum  terrae  ipsius.  Hic  Deus  instruit  fiducia  servum  suum,  quia  necesse  fuit  addi  animos  in  illa  trepidatione,  de  qua  vidimus.  Ieremias  enim  non  putabat  se  idoneum  qui  subiret  tam  onerosam  provinciam:  deinde  erat  illi  negotium  ac  certamen  cum  hominibus  praefractis,  neque  paucis,  quoniam  totus  populus  iam  se  confirmaverat  impia  et  scelesta  obstinatione  ad  contemptum  Dei.  Quum  ergo  nulla  esset  amplius  pietatis  cura,  nulla  etiam  reverentia  coelestis  doctrinae  in  populo  illo,  Ieremias  quum  sibi  diffideret,  non  potuit  suscipere  grave  illud  onus,  nisi  suffultus  fuisset  praesidio  Dei.  Hac  igitur  ratione  nunc  pronuntiat  Deus  illum  fore  instar  munitae  urbis  et  columnae  ferreae.  Quanquam  proprie  quadrabit  nomen  fulturae.  Nam  "roy  descendit  a  radice  HDy.  Ideo  hoc  sensu  intelligit  propheta  se  columnam  fore,  non  modo  quae  erecta  erit  in  vacuo  loco,  sed  quae  sustineat  vel  aedificium,  vel  murum.  In  sensu  nulla  est  ambiguitas.  Intelligit  enim  Deus  servum  suum  fore  inexpugnabilem:  quidquid  machinentur  in  ipsum  hostes,  tamen  non  praevalituros,  sicuti  dicet  proximo  versu.  Quanquam  autem  hoc  semel  dictum  fuit  Ieremiae,  possunt  tamen  optimo  iure  ad  se  transferre  omnes  pii  doctores,  qui  sibi  probe  conscii  sunt  divinae  vocationis,  et  certo  persuasi  sunt  nihil  se  temere  aggredi,  sed  parere  iubenti  Deo.  Quicunque  igitur  ita  fundati  sunt  in  legitima  Dei  vocatione,  possunt  accommodare  in  usum  suum  hanc  promissionem,  quod  scilicet  invicti  perstabunt  contra  omnes  impios:  et  circumstantiae  notandae  sunt.  Videri  posset  hoc  sufficere,  quod  Deus  servum  suum  appellat  urbem  munitam.  Comparat  etiam  fulturae  ferreae  et  muro  aeneo.  Haec  enim  repetitio  confirmat  quod  uno  verbo  exposuimus,  scilicet  Ieremiam  fore  victorem:  et  quamvis  multos  impetus  contra  eum  moveat  Satan,  tamen  exitum  fore  laetum