35:493  493  IOB  CHAP.  XLII.  494  accompli  tout  son  ouvrage  sur  la  montagne  de  Sion,  alors  il  n'espargnera  point  les  meschans.  Or  notamment  le  Prophete  Isaie  dit,  qu'il  faut  que  Dieu  accomplisse  toutes  ses  corrections  en  son  Eglise:  comme  ce  sont  ceux  qui  lui  sont  plus  recommandez  que  les  siens.  Il  faut  donc  qu'il  les  visite  en  premier  lieu,  qu'il  les  purge  de  leurs  fautes,  qu'il  les  reforme  pour  les  reduire  a  lui:  et  qu'il  ne  face  point  cela  seulement  pour  un  iour,  mais  qu'il  accomplisse  toute  son  oeuvre.  Et  puis,  il  y  a  une  vengeance  horrible  apprestee  sur  ceux  qui  ont  abuse  de  sa  patience,  et  qui  se  sont  endurcis,  cependant  qu'il  les  supportoit:  comme  sainct  Pierre  aussi  nous  admonneste  (1.  Pier.  4,  12).  Helas  mes  amis,  ne  portons  point  d'envie,  dit-il,  aux  enfans  de  ce  monde,  quand  Dieu  les  laisse  en  paix,  et  que  cependant  nous  sommes  chastiez  de  sa  main,  que  nostre  condition  est  dure  et  fascheuse:  portons  cela,  dit-il,  tout  doucement:  car  que  sera-ce  de  ceux  que  Dieu  a  reprouve  du  tout,  puis  qu'il  nous  faut  passer  par  l'estamine,  qu'il  faut  que  nous  soyons  ainsi  examinez?  Ainsi  recognoissons  la  bonte  de  nostre  Dieu:  comme  aussi  il  est  dit  au  Prophete  (Ier.  24)  que  ceux  que  Dieu  aura  longuement  attendu,  sont  accomparez  a  des  fruicts  qui  pour  la  fin  sont  reservez,  et  seront  comme  pourris:  et  ceux  qu'on  aura  cueilli  plustost  qu'ils  seront  neantmoins  mangez,  et  leur  fera-on  cest  honneur  combien  qu'on  les  cueille.  Et  ainsi  apprenons,  que  Dieu  procure  nostre  salut  et  l'advance,  quand  il  lui  plaist  de  nous  chastier  en  premier  lieu,  cependant  que  les  incredules  se  donnent  du  bon  temps.  Or  il  est  vrai  que  nous  ne  pouvons  pas  dire  qu'Eliphas  et  ses  compagnons  fussent  reprouvez  du  tout  (car  au  contraire  Dieu  les  a  acceptez)  mais  cependant  ils  sont  alienez  de  lui  pour  un  temps:  et  faut  que  Iob  intercede  pour  eux  ou  ils  ne  trouveront  nul  moyen  de  grace  ne  de  pardon.  Quand  donc  Iob  sera  accompare  avec  eux,  nous  dirons  qu'il  est  domestique  de  l'Eglise,  et  les  autres  en  sont  comme  bannis  pour  lin  temps,  iusques  a  ce  que  Dieu  les  ait  reconciliez  a,  lui.  Or  voila  Iob  qui  est  redargue:  et  cependant  Dieu  ne  sonne  mot  aux  autres.  Cognoissons  donc  ce  que  i'ai  dit,  c'est  que  d'autant  plus  que  Dieu  nous  aime,  il  se  haste  aussi  de  nous  visiter:  et  quand  il  voit  que  nous  avons  decline,  que  nous  sommes  desbauchez  du  chemin  de  salut,  il  veille  sur  nous  afin  de  nous  reduire  hastivement  a.  lui.  Venons  maintenant  a  ceste  comparaison  qui  est  ici  mise,  entre  Iob  et  ses  amis.  Il  est  dit,  que  Iob  a  parle  droitement  devant  Dieu.  Comment  cela?  Toutes  fois  Dieu  l'a  condamne  comme  un  ignorant,  comme  un  outrecuide,  comme  un  homme  impatient.  Et  ou  est  ceste  droiture?  Nous  avons  declare  ci  dessus  que  Iob  a  demene  une  bonne  cause,  combien  qu'il  j  ait  mal  procede:  Iob  donc  a  failli  en  la