32:493  493  SUR  LE  PSEAUME  CXTX.  494  tout  nostre  refuge  a  Dieu,  nous  le  prions  avec  David,  qu'il  ne  nous  delaisse  point.  Quand  il  dit,  Ne  me  delaisse  point  grandement,  il  signifie  que  Dieu  quelques  fois  nous  laissera  forvoyer,  il  nous  laissera  tomber  ou  faire  quelque  faux  pas.  Et  pourquoy?  Pour  nous  humilier:  car  qui  est  celuy  qui  ne  se  forvoye,  ou  bien  qui  ne  cloche,  et  qui  ne  tombe  bas  le  plus  souvent?  Mais  si  ne  faut-il  point  qne  nous  perdions  courage  pour  cela.  Voyant  nostre  debilite,  et  qu'il  y  a  beaucoup  de  fautes  et  d'imperfections  en  nous,  prions  Dieu  qu'il  ne  nous  delaisse  point  par  trop  :  car  il  n'y  a  point  de  difficulte  que  David  n'ait  voulu  signifier,  qu'il  cognoissoit  beaucoup  de  fautes  en  luy:  mais  il  espere  que  Dieu  ne  l'abandonner  point  du  tout.  Que  s'il  luy  advient  de  tomber  quelque  fois,  qu'il  sera  releve  par  sa  grace.  Et  c'est  ainsi  qu'il  nous  en  faut  faire:  car  nous  scavons  qu'il  n'y  a  nul  qui  garde  entierement  la  Loy  de  Dieu,  nous  sommes  tous  transgresseurs  d'icelle,  nous  sommes  tous  pecheurs.  Il  faut  donc  que  nous  ayons  refuge  a  nostre  Dieu,  que  nous  le  prions  quand  nous  serons  tombez  qu'il  nous  releve  par  sa  bonte  paternelle,  selon  qu'il  est  prest  de  ce