9:492  veneno  Germaniam  inficeret  Suenkfeldius,  acriter  restitimus,  ut  nos  pessime  omnium  oderit.  Nunc,  si  Heshusio  credatur,  illum  aluimus.  Iam  quod  impio  Nestorii  delirio  nos  involvit,  quid  respondeam,  nisi  tam  improbum  conviciatorem  sua  maledicentia  sponte  concidere?  Descendit  postea  ad  Iustinum  Martyrem,  cuius  autoritatem  libenter  magni  fieri  patior.  Sed  quid  ille  quod  causam  nostram  laedat?  Dicit  1)  panem  coenae  non  esse  communem.  Nempe  quia  prius  exposuerat  non  admitti  ad  eius  participationem  nisi  qui  baptismo  abluti  et  evangelium  amplexi  erant.  Longius  deinde  progreditur.  Sicuti  Christus  caro  factus  est,  ita  et  alimentum  quod  verbo  precationis  ab  ipso  benedictum  est,  et  quo  sanguis  et  caro  nostra  por  transmutationem  aluntur,  ipsins  Christi  [pag.  52]  carnem  et  sanguinem  esse  edocti  sumus.  Comparatio  mysticae  benedictionis  in  coena  cum  incarnatione  Christi  Heshusio  videtur  ad  victoriam  sufficere.  Quasi  vero  aequale  in  utroque  miraculum  statuat  iustinus:  cui  hoc  duntaxat  propositum  fuit,  quam  semel  Christus  carnem  ex  nobis  induit,  cam  nobis  quotidie  in  cibum  dari.  Nam  in  hac  sententia  confirmanda  simplici  verborum  Christi  recitatione  contentus  est:  nec  aliud  contendit  quam  solis  Christi  discipulis  beneficium  hoc  esse  commune,  qui  in  veram  pietatem  initiati  sunt.  Ut  autem  huius  brevitatis  clarior  succedat  interpres  Irenaeus,  Heshusio  concedo.  Non  referam  singula  verba:  nihil  tamen  omittam  quod  ad  rem  faciat.  Invehitur  contra  haereticos  qui  carnem  negabant  capacem  esse  incorruptionis.  Si  ita  est,  inquit,  2)  nec  sanguine  suo  Dominus  nos  redemit,  nec  calix  eucharistiae  communicatio  sanguinis  eius,  nec  panis  quem  frangimus  communicatio  corporis.  Sanguis  enim  non  est  nisi  a  venis  et  reliqua  hominis  substantia,  in  qua  vere  nos  filius  Dei  redemir.  Et  quoniam  eius  membra  sumus  et  per  creaturam  nutrimur,  creaturam  autem  ipse  nobis  praestat,  solem  suum  oriri  faciens  et  pluens  quemadmodum  vult,  eum  calicem,  qui  est  creatura,  suum  corpus  confirmavit,  ex  quo  nostra  anget  corpora.  Quando  ergo  et  mixtus  calix  et  fractus  panis  percipit  verbum  Dei,  fit  eucharistia  sanguinis  et  corporis  Christi,  ex  quibus  augetur  et  consistit  carnis  nostrae  substantia.  Quomodo  carnem  negat  capacem  esse  donationis  Dei,  qui  est  vita  aeterna,  quae  sanguine  et  corpore  Christi  nutritur,  et  membrum  [pag.  53]  eius  est?  sicut  dicit  apostolus:  Quoniam  membra  sumus  corporis  eius,  et  de  ossibus  eius,  etc.  Teneant  lectores  consilium  Irenaei.  Neque  enim  disputat  an  corporaliter  edamus  Christum,  sed  tantum  conten-  1)  Apol  J,  p.  97  seq.  (cap.  66).  2)  Vide  ej.  libr.  contr.  haereses  V.  cap.  2