39:492  hic  dicit,  quamvis  Babylon  conscendat  supra  coelos,  et  in  excelso  muniat  sibi  fortitudinem,  venient  tamen  a  me  vastatores  ei.  Hic  subest  tacita  antithesis  inter  Deum  et  homines.  Nam  si  inter  homines  ipsos  sit  certamen,  mutuo  inter  se  confligunt.  Sed  alia  est  Dei  ratio.  Potest  enim  e  coelo  fulminare,  et  ita  prosternere  altissimos  quosque  montes.  Nunc  ergo  tenemus  prophetae  consilium  ubi  dicit  venturos  essc  vastatores  a  Deo,  qui  Babylonem  perdant,  quamvis  conscendat  supra  nubes.  Sequitur,  54.  Vox  clamoris  e  Babylone,  et  confractio  magna  e  terra  Chaldaeorum.  Quodammodo  insultat  Ieremias  Babyloniis,  ut  fideles  reiectis  omnibus  obstaculis  vel  superatis,  certo  statuant,  quod  propheta  de  interitu  Babylonis  praedixerat  ratum  fore.  Adducit  igitur  ipsos  in  rem  praesentem,  quum  dicit  fore  voces  clamosas  e  Babylone,  et  e  terra  Chaldaeorum  fore  confractionem,  vel  contritionem  magnam.  Quanquam  possemus  hic  12W  apte  vertere  fragorem,  ut  respondeat  superiori  membro:  dixerat,  Vox  clamoris  e  Babylone,  iam  dicit,  fragor  e  terra  Chaldaeorum.  Fragorem  autem  appellant  sonitum  illum  qui  editur  ex  magna  concussione,  quemadmodum  si  corrueret  aliqua  moles,  non  fieret  hoc  sine  magno  sonitu.  Hoc  ergo  proprie  intelligit  propheta.  Diximus  autem  cur  his  verbis  utatur,  nempe  ut  fideles  proponant  sibi  rem  praesentem,  quae  tamen  prorsus  erat  incredibilis.  Sequitur,  55.  Quia  perdens  Iehovah  Babylonem  (hoc  est,  perdet,  aut  vastabit:  proprie  est  TW)  et  perdet  (nunc  aliud  est  verbum)  ex  ea  vocem  magnam  (vel  magnificam),  et  sonuerunt  fluctus  eorum  tanquam  aquae  magnae,  editus  est  sonitus  vocis  eorum.  Subiicitur  nunc  ratio  illius  fragoris,  nempe  quia  Deus  statuit  Babylonem  vastare  et  redigere  in  nihilum.  Iterum  fideles  revocat  Ieremias  ad  considerandam  Dei  potentiam.  Dicit  igitur  hoc  opus  non  fore  humanum,  quoniam  illic  Deus  exseret  immensam  suam  fortitudinem,  quae  non  potest  comprehendi  captu  nostro.  Dei  ergo  nomen  hic  opponit  omnibus  creaturis,  quasi  diceret  quod  superat  omnes  hominum  conatus,  fore  tamen  facile  ipsi  Deo.  Repraesentat  vero  hic  Deum  tanquam  oculis,  et  dicit  Babylonem  perituram,  sed  Deum  esse  qui  eam  vastet.  Statuit  igitur  hic  Deum,  quasi  iam  armatus  esset  ad  excidendam  Babylonem.  Et  perdet  ex  ea  vocem  magnificam,  hoc  est  immodicam  gloriationem.  Quod  sequitur  aliter  exponunt  multi  quam  mihi  placeat.  Dicunt  enim  sonuisse  fluctus  apud  Babylonios,  quo  tempore  urbs  erat  populosa.  Nam  ubi  est  magna  frequentia  hominum,  illic  etiam