37:492  Ideo  repetitur  haec  exhortatio,  Ne  timeas  coram  ipsis.  Postea  addit,  Ne  timere  te  faciam,  vel  conteram,  nn  significat  interdum  timere,  significat  conterere.  Hieronymus  corrupit  prophetae  sensum  quum  dixit,  Nunquam  faciam  te  timere.  Est  quidem  pia  haec  doctrina,  Deum  prophetae  suo  daturum  fortitudinem,  ut  perstet  invictus  contra  omnes  hostes.  Et  certe  frustra  nos  hortaretur,  nisi  etiam  spiritu  suo  nos  ad  fortitudinem  instrueret,  hoc  quidem  est  verum:  sed  particula  JD  non  patitur  hunc  locum  ita  exponi.  Quid  ergo  sibi  vult  Deus?  Sive  vertamus  conterere,  sive  timere  te  faciam,  ut  sit  verbum  transitivum  "jnntt,  optime  sensus  conveniet.  Deus  enim,  postquam  prophetam  suum  iussit  esse  alto  et  invicto  animo,  iam  adiungit,  Cave  tibi,  nam  si  timidus  sis,  ego  faciam  te  serio  timere,  vel  re  ipsa  conteram  te  a  facie  ipsorum.  Significat  ergo  his  verbis,  prophetam  satis  fore  munitum,  si  ipse  agnoscat  se  missum  esse  a  Deo,  et  ita  agat  tanquam  pro  summa  potestate,  neque  sibi  metuat  ab  ullo  homine  mortali.  Caeterum  subest  hic  comminatio:  Vide,  si  strenue  te  geras,  adero  tibi,  et  quantumvis  primo  intuitu  sint  formidabiles  qui  se  tibi  opponent,  nihil  tamen  proficient.  Quod  si  timidus  sis  et  pusillanimis,  ego  te  reddam  probrosum  :  hoc  est,  non  tantum  eris  animo  timidus,  sed  etiam  faciam  ut  sis  apud  omnes  despicabilis,  vel  ut  conspuant  omnes  tibi  in  faciem:  quia  non  eris  dignus,  pro  quo  ego  pugnem,  et  cui  suppeditem  fortitudinem  et  virtutem  ad  hostes  tuos  profligandos.  Ergo  videmus  quorsum  hoc  spectet,  Ne  timeas^  ne  timere  te  faciam,  hoc  est,  sis  forti  et  alacri  animo,  ne  sis  merito  probrosus,  et  non  usque  adeo  metuas  ipsos,  ut  merito  etiam  metuas,  neque  id  modo,  sed  ut  ipsi  te  conterant,  et  pedibus  audeant  calcare,  quia  indignus  eris  cui  suppeditem  fortitudinem  spiritus  mei.  Locus  hic  continet  utilem  doctrinam,  ex  qua  discimus  nunquam  deesse  virtutem  servis  Dei,  ubi  concipiunt  animi  magnitudinem,  quia  agnoscunt  se  Deum  autorem  habere  suae  vocationis.  Ubi  ergo  ita  sunt  magnanimi,  Deus  suppeditat  illis  invictum  robur  et  fortitudinem,  ut  sint  formidabiles  toti  mundo.  Si  autem  restricti  sunt  ac  timidi,  et  huc  et  illuc  flectuntur,  ac  moventur  terrore  hominum,  Deus  reddit  illos  probrosos,  et  facit  ut  ad  minimam  quamque  auram  trepident,  et  penitus  conterantur.  Quare?  indigni  enim  sunt  quos  Deus  efferat,  et  quibus  porrigat  manum,  et  quos  muniat  armis  suis,  et  quibus,  quemadmodum  iam  dictum  est,  suppeditet  fortitudinem  animi,  qua  possint  terrere  et  diabolum,  et  totum  mundum.  PRECATIO.  Da,  omnipotens  Deus,  quando  semel  dignatus  es  servum  tuum  Ieremiam  ita  munire  invicta  virtute