35:492  scandales  que  nous  aurons  commis  par  nos  offenses.  La  dessus  il  est  dit  que  Dieu  apres  avoir  parle  a  Iob  s'est  tourne  vers  Eliphas  Themanite,  et  luy  a  dit.  Ma  fureur  s'est  enflammee  contre  toy  et  tes  compagnons:  car  vous  n'avez  point  parle  droitement  devant  moy  comme  mm  serviteur  Iob.  Nous  avons  veu  ci  dessus  comme  Dieu  a  redargue  Iob:  maintenant  en  second  lieu  ii  redargue  ses  compagnons,  voire  plus  rudement  beaucoup.  Car  maintenant  il  l'approuve,  et  il  condamne  du  tout  les  autres.  Devant  que  venir  a,  ceste  comparaison  qui  est  ici  faite  entre  Iob  et  ses  amis,  nous  avons  a  noter  l'ordre:  c'est  qu'il  est  dit,  que  Dieu  ayant  prononce  ces  paroles  a  Iob,  a  adresse  son  propos  a  ceux  qui  l'avoyent  iniustement  condamne.  Par  cela  nous  sommes  advertis,  combien  que  Dieu  chastie  les  siens  en  douceur  paternelle:  que  toutes  fois  il  exerce  son  iugement  a  l'endroit  d'eux:  comme  il  est  dit,  que  ses  punitions  et  chastimens  commencent  par  sa  maison  et  par  son  Eglise.  Voila  donc  Dieu  qui  redargue  Iob,  et  cependant  laisse  la  les  autres  qui  ont  failli  plus  lourdement  que  lui.  On  eust  peu  demander,  Et  voire?  Pourquoi  Dieu  s'adresse  il  seulement  a  Iob,  et  a  celui  qui  a  le  moins  failli?  car  combien  qu'il  y  ait  des  fautes:  toutes  fois  elles  sont  plus  a  pardonner  que  celles  de  ses  compagnons:  et  il  semble  que  Dieu  desploye  toute  sa  rigueur  a  l'encontre  de  lui  seul.  Voila  qu'on  eust  peu  dire.  Mais  lui  est  redargue  le  premier,  pource  qu'il  faut  que  ce  que  nous  avons  allegue  du  Prophete  soit  accompli:  c'est  assavoir  que  Dieu  commence  a  chastier  les  domestiques  de  sa  maison.  Quand  il  exerce  son  iugement,  il  ne  commencera  point  par  les  incredules  :  il  les  laisse  la,  il  les  espargne  comme  s'il  avoit  mis  en  oubli  leurs  fautes:  non  pas  qu'elles  ne  soyent  bien  enregistrees,  et  qu'elles  ne  viennent  en  conte:  mais  il  laisse  mourir  et  pourrir  l'iniquite  de  ceux  qu'il  n'aime  pas.  Voire:  et  au  reste  il  chastie  ceux  qu'il  a  adoptez,  ceux  qu'il  advoue  pour  ses  enfans:  il  leur  monstre  signe  de  rudesse,  cependant  que  ceux  qui  lui  sont  estranges  se  reposent  et  se  tiennent  a  leurs  aises  et  en  delices.  Voila  donc  ce  qui  nous  est  monstre  en  ce  passage:  qui  nous  est  une  doctrine  bien  utile:  car  nous  voyons  tous  les  iours  que  la  condition  des  fideles  est  plus  miserable  que  celle  des  contempteurs  de  Dieu.  Il  semble  qu'ils  soyent  du  tout  reprouvez  de  lui,  ils  trainent  leurs  ailes,  ils  ne  font  que  languir  en  ce  monde:  et  cependant  les  meschans  levent  les  orestes,  les  voila  gais,  ils  font  grand'  chere  iusques  a  se  mocquer  de  Dieu.  Or  quand  on  voit  ces  choses,  on  y  seroit  trouble,  sinon  que  nous  eussions  ceste  doctrine,  c'est  assavoir  que  le  iugement  commence  par  la  maison  de  Dieu:  comme  aussi  il  est  dit  au  Prophete  Isaie  (10,  12),  Quand  Dieu  aura