32:492  qu'il  n'y  a  que  fiction,  iusqu'a  tant  qu'ils  ayent  este  droitement  enseignez  en  la  Loy.  Voyla  un  Item.  Au  reste,  notons  que  ce  n'est  pas  tout  que  nous  ayons  apprins  ce  que  Dieu  nous  monstre  en  sa  Parole:  mais  David  parle  yci  d'une  instruction  qui  prenne  racine,  et  qui  demeure  au  coeur  de  l'homme  suyvant  ce  qui  a  este  dit  cy  dessus.%  Car  beaucoup  pourront  bien  comprendre  en  ieur  cerveau  quelle  est  la  doctrine  de  Dieu,  mais  cependant  si  est-ce  que  quand  on  regarde  a  leur  vie,  lors  ils  monstrent  qu'ils  n'ont  rien  profite  en  son  escole.  Il  faut  donc  que  nostre  coeur  vienne  a  l'escole  derDieu,  c'est  a  dire,  que  ce  qu'il  nous  apprend  soit  bien  imprime  et  engrave  la.  dedans.  Voyla  quelle  est  la  facon  d'apprendre  dont  David  parle  yci.  Car  si  nous  avons  este  exercez  en  ceste  sorte,  que  nous  ayons  retenu  la  doctrine  de  Dieu,  nous  pourrons  bien  celebrer  son  Nom:  c'est  a  dire,  nous  le  pourrons  bien  louer  comme  il  le  commande.  Quand  il  dit,  Ie  garderay  tes  statuts,  c'est  a  dire  qu'il  s'est  tellement  resolu  et  conferme  en  la  doctrine  de  la  Loy*  qu'il  a  surmonte  toutes  les  affections  de  la  chair  et  du  monde,  qui  luy  pourroyent  resister  et  l'empescher  de  servir  a  Dieu.  Il  avoit  dit  auparavant,  O  si  mes  voyes  estoyent  adressees  la!  Il  desiroit,  comme  un  homme  qui  n'ayant  point  ses  souhaits,  seroit  en  travail  et  en  peine.  Et  faut  aussi  que  nous  ayons  de  tels  souspirs  en  nous,  veu  la  resistance  de  nostre  chair,  laquelle  est  &i  contraire  a  la  iustice  de  Dieu,  que  toutes  nos  pensees  et  affections  (comme  i'ay  desia  dit)  sont  autant  de  contradictions  qui  nous  destournent  de  son  obeissance.  Il  faut  donc  que  nous  disions  avec  David,  Helas!  et  comment  sera-il  possible  que  ie  vienne  a  bout  de  servir  mon  Dieu?  et  que  ie  m'attende  a  luy,  que  ie  soye  pleinement  arreste  a  ceste  reigle  qu'il  m'a  monstree?  Voyla  di-ie,  les  souhaits  que  nous  devons  avoir.  Mais  ce  n'est  point  encores  assez  que  les  hommes  ayent  ce  desir  de  pouvoir  servir  a  Dieu.  Cest  desia  beaucoup  quand  ils  ne  demandent  sinon  que  Dieu  les  pousse  et  les  incite  a  cela:  mais  si  est-ce  qu'il  ne  faut  pas  encores  la  demeurer.  Quoy  donc?  Venons  avec  David  a  protester,  que  nous  garderons  les  commandemens  de  Dieu:  c'est  a  dire,  quand  nous  avons  bataille  contre  nos  affections  desbordees,  qu'estans  asseurez  d'avoir  la  victoire  nous  venions  a  conclurre,  Dieu  me  guidera,  tellement  que  ie  garderay  ses  statuts.  Mais  au  reste,  pource  que  les  hommes  n'auront  point  cela  d'eux-mesmes,  ils  ont  tousiours  a  prier  comme  David  fait,  Ne  me  delaisse  point  par  trop.  Car  si  Dieu  retire  sa  main  de  nous,  helas  que  sera-ce?  pourrons-nous  avoir  un  seul  desir,  une  seule  bonne  pensee?  Il  est  impossible,  mais  nous  declinerons  du  tout  a  mal,  et  mesmes  nous  luy  serons  ennemis  et  adversaires.  Il  faut  donc  qu'ayans