9:491  491  DE  VERA  PARTICIPATIONE  492  perient  sani  et  modesti  lectores  in  uno  commentario  qui  falso  inscribitur  Opus  imperfectum  Chrysostomi  in  Matthaeum,  quam  in  tota  Damasceni  theologia.  Ille  autem,  quisquis  fuerit  scriptor,  aperte  dicit  ministerio  tantum  corpus  Christi  nobis  dari.  Hoc  autem  breviter  attingere  [pag.  50]  volui,  ne  quis  liberaliter  Heshusium  facere  putaret,  dum  supersedet  Damasceni  suffragio.  Quod  Clementem  Alexandrinum  et  Origenem  repudiat,  sic  concedo,  ut  tamen  meminerint  lectores  eum  pro  arbitrio  ex  antiquitate  deligere  quos  videt  sibi  fore  commodos.  Incipit  ab  Ignatio:  cuius  utinam  exstarent  scripta,  ne  eius  nomine  subinde  fucum  facerent  impostores,  ut  Servetus  et  Heshusius.  Quae  enim  ista  est  ingenuitas,  epistolam  citare  quam  vix  gregarius  quispiam  monachus  pro  sua  agnoscere  dignetur?  Sciunt  qui  legerunt  nugas  illas,  tantum  de  quadragesima,  chrismate,  luminaribus,  quadragesimali  ieiunio,  diebus  festis  narrari,  quae  aliquanto  post  Ignatii  mortem  superstitione  et  inscitia  obrepere  coeperunt.  Quid  tamen  fictitius  ille  Ignatius?  Dicit  quosdam  coenam  reiicere  et  oblationes,  quod  negent  eucharistiam  esse  carnem  Christi  quae  pro  nobis  crucifixa  est.  Quid  autem  nobis  commune  vel  affine  cum  illis  haereticis,  qui  eucharistiam  reverenter  colimus,  in  qua  scimus  Christi  carnem  nobis  edendam  dari?  Sed  excipiet:  Eucharistiam  vocari  carnem.  Nempe  improprie,  nisi  clausis  oculis  in  meridie  caecutire  libeat.  Nam  vel  de  actione  ipsa  sumitur  nomen  eucharistiae,  vel  de  utraque  parte  sacramenti.  Utrumvis  respondeas,  litera  certe  urgenda  non  erit.  Ne  vero  saepius  cavillum  hoc  diluere  necesse  sit,  semel  testatum  sit,  nos  de  usitatis  loquendi  formis  litem  non  movere.  Panem  benedictum  veteres  passim  nominant  corpus  Christi.  Cur  enim  illis  non  liceret  unigenitum  Dei  filium  imitari,  ex  cuius  oro  nos  pendere  et  sapere  oportet?  Sed  [pag.  51]  quantum  hoc  a  barbaro  commento  distat,  panem  proprie  esse  corpus,  ut  illic  corporaliter  edatur?  Eiusdem  est  probitatis,  quod  nos  Messalianis  et  Enthusiastis  aggregat,  qui  negabant  quidquam  prodesse  vel  nocere  sacrae  coenae  usum.  Quasi  non  multo  splendidius  de  huius  mysterii  utilitate  ab  initio  disseruerim  quam  tota  haec  caterva,  quae  in  me  intemperanter  bacchando  1)  totum  orbem  conturbat?  Imo  quorsum  instituta  sit  coena,  et  quem  fructum  afferat  fidelibus,  ultum  apud  eos  silentium  fuit,  donec  multorum  piorum  conviciis  hoc  tandem  illis  extortum  est,  ut  aliquid  e  scriptis  meis  excerperent:  ne  semper  illis  odiosum  esset  supprimere  quod  praecipuum  erat.  Quin  et  Suenkfeldium  nobis  socium  adiungere  non  dubitat.  Quid  immerentes  hospites  vexas  canis,  ignavus  adversus  lupos?  Quum  suo  1)  en  debagoulant  contre  moy  furieusement  ses  iniures.