8:491  491  REFUTATIO  ERRORUM  492  alto  O  pronuncias,  hoc  totum  esse  fabulosum.  Quis  tu  43s,  ut  contempta  Pauli  autoritate,  per  quem  scimus  loquutum  esse  Christum,  tuis  commentis  fidem  habeamus?  Annon  te  pudet,  Abraham  nominare  carnis  filium,  qui  in  spiritu  vidit  diem  Christi,  et  exsultavit?  Carnalem  tantum  haereditatem  relinquere  sancto  Iacob,  qui  inter  ultimos  spiritus,  nihil  quam  mortem  habens  prae  oculis,  exclamabat:  Salutem  tuam  exspectabo  Domine?  Sed  quid  hic  longius  immoror?  Qui  ad  aliam  haereditatem,  vel  ad  aliud  Dei  regnum  adspirat,  quam  quo  spectarunt  patriarchae,  cohaeres  sit  diabolis.  Nam  de  electis  dicitur,  quod  recumbent  cum  Abraham,  Isaac  et  Iacob  in  regno  Dei.  Tu  vero  quos  mihi  titulos  recenses,  non  animadvertis  in  degeneres  et  quasi  adulterinos  Iudaeos  conferri.  Utinam  aliquando  religiosius  versari  discas  in  scripturis.  De  tertia  quaestione.  Promissionem  istam:  Ero  Deus  tuus  et  seminis  tui,  locum  habere  negas  in  parvulis  nostris,  quia  in  iis  compleatur  quos  circumcidit  Christus  circumcisione  [pag.  51]  cordis.  Ac  si  quis  ita  ratiocinaretur,  Isaac  non  esse  natum  Dei  filium,  quia  Abraham  fide  fuerit  factus.  Verum  Dominus  palam  testatur  per  Ezechielem,  omnes  qui  ex  progenie  Abrahae  erant,  filios  sibi  nasci.  Si  cordis  circumcisionem  excluderet  adoptio  parvulorum,  valeret  tua  ratio.  Sed  Domino  permittimus  arcanam  gratiae  suae  dispensationem  in  parvulis,  si  ante  eos  evocet  ex  mundo,  quam  ordinario  modo  ipsos  circumcidat.  Exprobras  quod  de  carnali  Abrahae  semine  carnaliter  et  iudaice  sentiam.  Paulo  id  exprobra,  quem  ego  doctorem  sequor.  Sic  enim  de  foedere  gratiae  disputat  nono  et  undecimo  ad  Romanos,  ut  illud  residere  asserat  in  vero  et  naturali  semine  Abrahae.  Ego  certe  non  sum  tam  crassus,  ut  quicunque  ex  Abraham  geniti  sunt  secundum  carnem,  censeri  velim  inter  filios  Abrahae.  Regnat  enim  libera  Dei  electio,  quae  legitimos  filios  discernit  ab  adulterinis,  hoc  est,  spirituales  a  carnalibus.  Fateor  quidem  hoc  prima  facie  videri  absurdum,  quod  Deus  promittat  eius  generis  se  fore  Deum,2)  in  quo  plures  reprobi  quam  electi  reperiuntur.  Sed  hunc  nodum  eleganter  Paulus  explicat.  Postquam  enim  nono  capite  stultam  Iudaeorum  confidentiam  retudit,  qui  in  carne  gloriabantur,  ac  docuit  multos  coram  Deo  reputari  extraneos,  qui  ex  Abraham  genus  ducunt  secundum  carnem,  et  rursus  multos  qui  alieni  fuerant  cooptari  in  numerum  filiorum,  tractavitque  id  totum  pendere  ab  electione  Dei  gratuita:  demum  capite  undecimo  contendit,  non  esse  tamen  inanem  promissionem  Dei.  Deum  enim  ita  libere  eligere  1)  comme  si  tu  avois  un  trosne  esleve  sur  les  nues.  2)  sauveur.