6:491  DE  NECESSITATE  periores,  in  co  longe  praecellimus,  quod  nemo  apud  nos  pastoris  iocum  occupat,  qui  munus  non  exsequatur.  Nulla  itaque  apud  nos  ecclesia  sine  ordinaria  verbi  Dei  praedicatione  visitur.  Haec  quum  adversarios  pudeat  negare  (quid  enim  in  tanta  luce  negando  proficerent?)  de  iure  primum  et  potestate,  postea  de  ordinandi  forma,  litigant  nobiscum.  Citant  vetustos  canones,  qui  episcopos  et  clerum  huic  rei  praeficiunt.  Allegant  continuam  successionem,  qua  sibi  haec  potestas,  ab  ipsis  usque  apostolis,  per  manus  fuerit  tradita.  Alio  igitur  transferri,  fas  fuisse  negant.  Utinam  vero,  quam  iactant  possessionem,  suo  merito  retinuissent.  Sed  si  expendimus,  primum  quo  ordine  iam  per  aliquot  saecula  provehantur  episcopi  ad  hanc  dignitatem,  tum  qualiter  in  ea  se  gerant,  tum  etiam  quales  creare  soleant,  quibus  committant  ecclesiarum  gubernacula,  videbimus  illam,  qua  superbiunt,  successionem  iampridem  intercidisse.  Eius,  qui  ad  episcopatum  vel  presbyterium  recipiendus  est,  tum  doctrinam,  tum  vitam  prius  iusto  examine  probari  volunt  antiqui  canones.  Exstat  inter  acta  concilii  africani  quarti  de  hac  re  luculentum  documentum.  Porro  eius,  qui  a  clero  nominatus  esset  vel  recusandi  vel  approbandi  arbitrium  penes  populum  et  magistratum  erat:  ne  [pag.  64]  quis  invitis  aut  non  consentientibus  obtruderetur.  Qui  praefuturus  est  omnibus,  inquit  Leo  epistola  90.,  ab  omnibus  eligatur.  Qui  enim  ignotus  et  non  examinatus  praeficitur,  necesse  est,  ut  per  vim  intrudatur.  Item,  epistola  87.  :  Teneatur  honoratorum  testimonium,  subscriptio  clericorum,  ordinis  consensus  atque  plebis.  Aliter  fieri  nulla  ratio  sinit.  Hoc  ipsum  Cyprianus  quoque,  et  quidem  vehementius,  contendit:  divina  autoritate  sancitum  esse  affirmans,  ut  sacerdos,  plebe  praesente,  sub  omnium  oculis  deligatur:  ut  dignus  et  idoneus  omnium  testimonio  comprobetur.  Tantisper  stetit  haec  disciplina,  dum  tolerabilis  fuit  ecclesiae  status.  Siquidem  plenae  sunt  Gregorii  epistolae  testimoniis,  quae  illa  aetate  diligenter  fuisse  observatam  ostendunt.  Quemadmodum  docendi  necessitatem  episcopis  omnibus  iniungit  spiritus  sanctus  in  scripturis,  ita  simile  portenti  habitum  fuisset  in  veteri  ecclesia,  episcopum  nominari,  qui  non  simul  pastorem  se  doctrina  exhiberet.  Neque  alia  conditione  in  illum  gradum  recipiebantur.  Eadem  in  presbyteris,  prout  certae  quisque  parochiae  destinabatur,  ratio  valebat.  Hinc  illa  decreta:  Ne  saecularibus  negotiis  implicentur;  ne  longius  a  sua  ecclesia  excurrant;  ne  diu  absint.  Iam  ad  ordinandum  episcopum,  ut  convenirent  ex  tota  provincia  alii  episcopi,  sancitum  erat  decretis  synodalibus.  Quod  si  commode  id  fierinon  posset,  no  saltem  minus  quam  tres  adessent,  "idque  in  eum  finem,  ne  quis  aut  per  tumultum  se  ingereret,  [pag.  65]  aut  furtim  obreperet,  aut  obliquis