5:491  CONSILIUM  PAULI  III.  vel  deliris  theologastris  ingeratur,  non  alio  spectat,  nisi  ut  profundius  in  caecitatem  defigantur  hominum  mentes,  id  nequaquam  monstrum  est.  Monstrum  erit,  si  quidquid  in  ecclesia  geritur  eo  dirigant  Germani,  ut  plebs  ad  legitimum  Dei  cultum  instituta,  omnem  iustitiae  et  salutis  fiduciam  spemque  bonorum  omnium  in  uno  Christo  reponere  edocta,  in  veram  pietatem  [fol.  31]  proficiat.  Atqui  1)  innumeris  superstitionibus  et  Dei  cultus  eversus  est  et  dispersa  in  vanissimas  vanitates  hominum  fiducia,  et  tota  fere  pietas  exstincta  est,  id  nihil  habet  monstri.  Monstrum  erit  si  propheticae  et  apostolicae  doctrinae  locum  apud  se  dederint  Germani,  quae  nobis  praecipit  ab  uno  Deo  pendere,  illi  tribuere  laudem  omnium  bonorum,  ad  illum  unum,  quoties  aliqua  urget  necessitas,  confugere,  quidquid  boni  habemus,  eius  benignitati  acceptum  referre,  vitam  aeternam  non  nisi  gratuita  eius  misericordia  exspectare,  renunciare  nostrae  sapientiae,  ut  illi  dociles  nos  praebeamus,  omnem  propriae  virtutis,  iustitiae,  sanctitatis  gloriam  ac  fiduciam  exuere,  ut  virtute  eius  roborati,  eius  iustitia  induti,  ornati  eius  sanctitate,  in  bonitate  eius  acquiescamus  et  gloriemur,  deinde  totam  istorum  bonorum  summam  sciamus  in  Christo  esse  repositam,  admonet  ne  quam  alibi  particulam  quaeramus.  At  quod  in  varia  deliramenta  Ijominum  mentes  a  vero  Deo  avocatae  distrahuntur,  quod  Dei  gloriam  sacrilega  ingratitudine  inter  creaturas  partiuntur,  quod  mortuos  homines  pro  Deo  invocant,  quod  laudem  bonorum  gratiarumque  actionem  ad  ipsos  a  Deo  transferunt,  varios  sibi  aditus  ad  vitam  aeternam  confingunt,  inani  propriae  sapientiae,  iustitiae,  virtutis,  fiducia  adversus  Deum  superbiunt,  impiis  imaginationibus  Christum  obscurant  et  fere  sepeliunt:  hic  nihil  est  monstri,  nec  timendum  est,  si  in  futurum  ita  pergant.  Monstrum  erit,  si  agnoscant  Germani  nullam  esse  hominibus  cum  Deo  reconciliationem  nisi  in  Christo,  non  aliter  quam  ipsius  intercessione  exorabilem  propitiumque  Deum  nobis  fieri,  quia  omnes  sint  peccatores  indigni  T>ei  conspectu,  non  aliter  recipi  in  gratiam,  nisi  expiatis  per  eius  crucem  peccatis,  omnes  esse  impuros,  nisi  eius  sanguine  abluantur,  nusquam  alibi  quam  in  illo  unico  sacrificio  esse  perpetuam  satisfactionem,  quae  nos  a  damnatione  liberet.  Hac  certitudine  subnixas  conscientias,  indubiam  aeternae  salutis  fiduciam  et  quavis  notitia  solidiorem  concipere  debere.  At  quod  totus  passim  mundus  nova  piacula  et  sacrificia  comminiscitur,  quibus  Dei  iudicium  effugiat,  novos  subinde  mediatores,  quorum  intercessione  se  sustineat  quaerit,  inquinamenta  nescio  quae  pro  ablutionibus  sibi  accersit,  fictitiis  satisfactionibus  redimere  se  coit)  Omnino  legendum.  At  quod.