39:491  491  PRAELECTIONES  492  clamabit  vulneratus  (vel,  occisus,  hoc  nomen  T)T\  iam  saepius  vidimus).  Consilium  prophetae  est,  ut  admonui,  erigere  piorum  animos,  ne  tentationi  succumbant,  quum  viderent  se  esse  pudefactos,  et  quasi  nudatos  omnibus  ornamentis.  Dicit  igitur  venturum  esse  tempus,  quo  Deus  vindictam  sumat  de  idolis  babylonius.  Hoc  autem  modo  asserit  sibi  Deus  potentiam,  quae  tunc  fere  evanuerat.  Nam  templo  everso  quodammodo  visi  sunt  Babylonii  triumphum  de  ipso  agere:  devicta  enim  erat  Dei  potentia  in  templo.  Ergo,  quoniam  eius  ruina,  ut  diximus,  visa  fuit  Dei  potentiam  exstinguere,  propheta  remedium  adhibet,  et  dicit,  quamvis  templum  sit  eversum,  stare  tamen  Deum  integrum,  et  incolumem  manere  eius  potentiam.  Sed  interea  iubet  fideles  patienter  exspectare.  Animos  enim  ipsorum  ad  spem  rei  absconditae  revocat.  Nunc  videmus  quomodo  haec  inter  se  cohaereant,  et  cur  propheta  utatur  etiam  particula  ph,  Propterea,  ecce  dies  venient,  inquit,  hoc  est,  quamvis  sitis  pudefacti,  Deus  tamen  vobis  restituet  materiam  gloriandi,  et  ut  rursus  hilariter  canatis  eius  laudes.  Sed  dicit  dies  venturos,  quibus  verbis  admonet,  fovendam  esse  spem  promissionum,  donec  impleat  Deus  opus  suum:  et  ita  corrigitur  nimius  fervor  quo  abripimur  in  nostris  afflictionibus:  nam  vellemus  statim  Deum  advolare.  Propheta  igitur  hic  fideles  hortatur,  ut  animos  sustineant  usque  ad  tempus,  quod  Deo  placuerit:  et  ita  reiicit  eos  ad  providentiam  Dei,  ne  scilicet  plus  aequo  sibi  sumant,  si  velint  ipsum  agere  quemadmodum  fert  ipsorum  animus.  Venient  ergo  dies,  quibus  visitabo  super  sculptilia  Babylonis,  et  gemet,  vel  clamabit.  Nam  pjK  significat  clamare:  alii  vertunt,  Gremet  vulneratus:  et  ideo  vulneratum  hic  vertunt  quia  absurda  esset  loquutio,  eorum  opinione,  si  clamarent  vel  gemerent  occisi.  Sed  propheta  intelligit  magnum  fore  clamorem  in  ilia  caede,  hoc  est,  quum  iugulabuntur  Babylonii,  magnus  erit  ubique  eiulatus.  Sequitur,  53.  Si  ascenderit  Babylon  in  coelos,  et  si  munierit  excelsum  fortitudinis  suae  (vel  munierit  fortitudinem  suam  in  excelso,  quod  mihi  magis  placet),  a  me  venient  vastatores  ei,  dicit  Iehovah.  Iterum  propheta  docet,  quamvis  inexpugnabilis  sit  Babylon,  non  esse  tamen  metuendum,  quin  Deus  futurus  sit  eius  iudex:  quia  minime  aequum  est  potentiam  eius  metiri  nostro  sensu.  Et  nihil  magis  impedit  nos,  vel  moratur,  ne  amplectamur  Dei  promissiones,  quam  ubi  reputamus  quid  naturaliter  fieri  possit,  quid  sit  probabile.  Ubi  ergo  ita  consulimus  sensus  nostros,  excludimus  Dei  potentiam,  quae  superior  est  omnibus  mediis.  Ergo  propheta